చింతాబాబు మాదిగకు జాతీయ పురస్కారం

కోదాడ‌, న‌వంబ‌ర్ 10 : ఎమ్మార్పీఎస్ రాష్ట్ర నాయకుడు చింతాబాబు మాదిగకు డాక్టర్ బి.ఆర్.అంబేద్కర్ జాతీయ అవార్డు లభించింది. ఈ మేరకు బహుజన సాహిత్య అకాడమీ జాతీయ అధ్యక్షుడు నల్ల రాధాకృష్ణ ఈ పురస్కారాన్ని ప్రకటించినట్టు కోదాడలో మంగళవారం చింతా బాబు మాదిగ తెలిపారు. ఈ నెల 15న ఢిల్లీలో జరిగే కార్యక్రమంలో అవార్డును అందుకోనున్న‌ట్లు వెల్ల‌డించారు. గత మూడు దశాబ్దాలుగా సామాజిక రంగంలో సేవలు అందించినందుకు, మార్గదర్శి, స్ఫూర్తి యువజన సంఘాల ద్వారా యువతను చైతన్య పరిచినందుకు ఈ అవార్డు లభించింద‌ని వెల్ల‌డించారు. గతంలో ఫ్రెండ్‌షిప్ సొసైటీ అవార్డులు, ‘దళిత రత్న’ పురస్కారం పొందడంతో పాటు ఆర్‌ఎస్ ప్రవీణ్ కుమార్ చేతుల మీదుగా ‘మాదిగ బంధు’ బిరుదును అందుకున్న విషయాన్ని ఈ సంద‌ర్భంగా ఆయ‌న గుర్తు చేశారు. ఈ అవార్డు ప్రకటన పట్ల మిత్రులు, శ్రేయోభిలాషులు హర్షం వ్యక్తం చేశారు.