ACB Case | ఏసీబీ వ‌ల‌లో భైంసా డిప్యూటీ ఎగ్జిక్యూటివ్ ఇంజినీర్.. వీడియో
ACB Case | లంచం ఇవ్వ‌డం, తీసుకోవ‌డం నేర‌మ‌ని ఏసీబీ ఎన్నిసార్లు హెచ్చ‌రించినా అధికారుల తీరు మార‌డం లేదు.. బాధ్య‌తాయుత‌మైన ప్ర‌భుత్వ ఉద్యోగంలో ఉండి ప్ర‌జ‌ల‌కు సేవ చేయాల్సిన అధికారులు ఫైల్స్ క‌ద‌లాలంటే లంచం ఇవ్వాల్సిందేనంటూ ఎక్క‌డో ఒక చోట టేబుల్ కింద చేతులు పెడుతూ అడ్డంగా బుక్క‌వుతున్నారు.
తాజాగా భైంసా మున్సిపాలిటీలో డిప్యూటీ ఎగ్జిక్యూటివ్ ఇంజినీర్, ఇన్‌చార్జ్ మున్సిప‌ల్ క‌మిష‌న‌ర్‌గా విధులు నిర్వ‌హిస్తున్న జాద‌వ్ సంతోష్ ఓ సివిల్ కాంట్రాక్ట‌ర్ నుంచి లంచం తీసుకుంటూ ఏసీబీ అధికారుల‌కు అడ్డంగా దొరికిపోయాడు. స‌ద‌రు సివిల్ కాంట్రాక్ట‌ర్ ప‌నుల‌కు సంబంధించి పెండింగ్‌లో ఉన్న చెక్కుల‌ను విడుద‌ల చేసేందుకు డిప్యూటీ ఎగ్జిక్యూటివ్ ఇంజినీర్ జాద‌వ్ సంతోష్ రూ.60 వేలు డిమాండ్ చేశాడు.
తొలి ద‌ఫా రూ.10 వేలు లంచం తీసుకుని 6 ల‌క్ష‌ల‌కు పైగా చెక్‌ను విడుద‌ల చేశారు. అయితే రెండో విడ‌తలో రూ.2 లక్ష‌ల‌కుపైగా చెక్ ఇచ్చేందుకు ఫిర్యాదు దారుడి నుంచి రూ.50 వేలు లంచం తీసుకుంటుండ‌గా ఆదిలాబాద్ ఏసీబీ డీఎస్పీ నేతృత్వంలోని అధికారుల బృందం రెండ్‌హ్యాండెడ్‌గా జాద‌వ్ సంతోష్‌ను పట్టుకున్నారు. నిందితుడిని క‌రీంన‌గ‌ర్ స్పెష‌ల్ జ‌డ్జి (ఏసీబీ కేసులు) ముందు హాజ‌రు ప‌రిచి జ్యూడిషియ‌ల్ రిమాండ్‌కు త‌ర‌లించ‌నున్నారు.
Read Also :
Priya Bhavani Shankar | త్వరలో పెళ్లిపీటలెక్కనున్న ఇరుముడి హీరోయిన్ .. అబ్బాయి మ‌రెవ‌రో కాదు..!
Comments (0)