Oxford Museum | వందేళ్ల త‌ర్వాత భార‌త్‌కు వ‌స్తున్న 39 మంది నాగా పూర్వీకుల అవ‌శేషాలు

Oxford Museum : వందేళ్లకుపైగా తమ మ్యూజియం (Museum) లో భద్రపరిచిన నాగా తెగల (Naga Tribes) కు చెందిన 39 మంది పూర్వీకుల అవశేషాలను యూకే (UK) లోని ఆక్స్‌ఫర్డ్ విశ్వవిద్యాలయం (Oxford University) తిరిగి అప్పగించింది. పిట్ రివర్స్ మ్యూజియంలో నిర్వహించిన ఓ కార్యక్రమంలో ‘ఫోరం ఫర్ నాగా రికన్సిలియేషన్ (FNR)’, నాగా హోహో సంస్థలకు ఈ అవశేషాలను అధికారికంగా అందజేసింది. వాటిని నాగాలాండ్ (Nagaland) కు తరలిస్తున్నట్లు ఎఫ్‌ఎన్‌ఆర్‌ ఒక ప్రకటనలో తెలిపింది.

ఈ అప్పగింతను ఆక్స్‌ఫర్డ్‌ విశ్వవిద్యాలయానికి, నాగా ప్రజలకు మధ్య ఉన్న సంబంధాల్లో ఓ చరిత్రాత్మక ఘట్టంగా వర్సిటీ వీసీ ప్రొఫెసర్ ఐరీన్ ట్రేసీ అభివ‌ర్ణించారు. బ్రిటిష్ వలస పాలనలో తన సొంత గ్రామాన్ని ఎలా తగులబెట్టారో ఎఫ్‌ఎన్‌ఆర్‌ ప్రతినిధి వైసియర్‌ సాన్యు గుర్తుచేసుకున్నారు. ఇదిలావుంటే నాగాలాండ్‌ రాజధాని కోహిమాలోని ‘నాగా సాలిడారిటీ పార్కు’ లో ఆ అవశేషాల ఖననం కోసం ఏర్పాట్లు ప్రారంభమయ్యాయి.