‘ఏఐకేఎస్ 36వ రైతు మహాసభల‌ను జయప్రదం చేయండి’

బూర్గంపహాడ్, నవంబర్ 10 : నల్ల‌గొండ‌లో ఈ నెల 15న తలపెట్టిన అఖిల భారత కిసాన్ సభ 36వ రైతు మహా సభలను జయప్రదం చేయాలని సీపీఎం బూర్గంప‌హాడ్‌ మండల కమిటీ కార్యదర్శి బత్తుల వెంకటేశ్వర్లు పిలుపునిచ్చారు. మంగళవారం మండల పరిధిలోని లక్ష్మీపురంలో మహాసభల పోస్టర్లను ఆవిష్కరించారు. ఈ సందర్భంగా ఆయన మాట్లాడుతూ.. నాటి బ్రిటీష్ సామ్రాజ్యవాదం వలసవాదానికి వ్యతిరేకంగా జరిగిన పోరాటంలో 1936లో అఖిల భారత కిసాన్ సభ ఆవిర్భవించి నేటికీ 90 ఏళ్లు అవుతుందన్నారు. నాలుగు రోజుల పాటు నల్ల‌గొండలో జరిగే మహాసభలకు రైతులు, విద్యార్థులు, మహిళలు, ప్రజా సంఘాలు పెద్ద సంఖ్యలో తరలివెళ్లి జయప్రదం చేయాలని పిలుపునిచ్చారు. ఈ కార్యక్రమంలో మండల కమిటీ సభ్యులు రాయల వెంకటేశ్వర్లు, ఎస్ కె.అబీద, గుంటక కృష్ణ, దుర్గారావు, నాగేశ్వరరావు, అశోక్, వీరన్న పాల్గొన్నారు.