సెమీఫైనల్లో తెలుగు బ్లాక్హాక్స్

హైదరాబాద్, ఆట ప్రతినిధి: ఆసియా స్థాయి క్లబ్ జట్లు తలపడుతున్న కావా వాలీబాల్ క్లబ్ చాంపియన్షిప్లో ప్రైమ్ వాలీబాల్ లీగ్ (పీవీఎల్) ఫ్రాంచైజీ తెలుగు బ్లాక్ హాక్స్ సెమీఫైనల్ చేరింది. భువనేశ్వర్లో శుక్రవారం జరిగిన చివరి లీగ్ మ్యాచ్లో బ్లాక్హాక్స్ 3-1తో ముంబై మీటియర్స్పై గెలిచింది. టైటిల్ రేసులో నిలిచిన జట్టును బ్లాక్హాక్స్ యజమాని కంకణాల అభిషేక్ రెడ్డి అభినందిస్తూ, సెమీస్ చేరడం భారత వాలీబాల్కే గర్వకారణమని పేర్కొన్నారు. అర్జెంటీనా కోచ్ ఏరియల్ గార్సియా శిక్షణలో ఫెడెరికో పెరెయిరా (అర్జెంటీనా), హెక్టర్ అలెక్సిస్ క్రజ్ (డొమినికన్ రిపబ్లిక్), హెన్రిక్ మీరెలెస్ (బ్రెజిల్) వంటి అంతర్జాతీయ ఆటగాళ్లతో తెలుగు బ్లాక్హాక్స్ బలోపేతమైంది.
Comments (0)