యుద్ధ నౌకల తయారీ ప్రైవేట్కు అప్పగింత!

- మూడు యుద్ధనౌకలను నిర్మించనున్న ప్రైవేట్ రంగం!
న్యూఢిల్లీ: భారత నౌకాదళం కోసం ఎనిమిది నెక్ట్స్ జనరేషన్ (అత్యంత అధునాతన) కార్వెట్ల నిర్మాణ ఆర్డర్లో మూడు యుద్ధనౌకల తయారీని ప్రైవేట్ రంగానికి అప్పగించేందుకు ప్రభుత్వ రంగంలోని రక్షణ షిప్యార్డులు చర్యలు చేపట్టినట్లు అధికార వర్గాలు శుక్రవారం వెల్లడించాయి. దీనిపై త్వరలోనే అధికారిక ప్రకటన రావచ్చని పేర్కొన్నాయి. దీంతో భారత నౌకాదళం కోసం భారీ యుద్ధనౌకను ఒక ప్రైవేటు షిప్యార్డు తొలిసారి నిర్మించే అవకాశం ఉన్నది.
రూ.53,866.50 కోట్ల కాంట్రాక్టులను రక్షణ శాఖ నవంబర్ 2న కోల్కతాలోని గార్డెన్ రీచ్ షిప్బిల్డర్స్ అండ్ ఇంజినీర్స్ లిమిటెడ్ (జీఆర్ఎస్ఈ), వాస్కోడగామాలోని గోవా షిప్యార్డు లిమిటెడ్ (జీఎస్ఎల్)కి అప్పగించింది. ‘ప్రభుత్వ సంస్థలైన జీఆర్ఎస్ఈ, జీఎస్ఎల్రెండూ కలిపి మొత్తం మూడు అత్యంత అధునాతన కార్వెట్ల నిర్మాణాన్ని ప్రైవేట్ సంస్థలకు అప్పగిస్తాయి’ అని ఆ వర్గాలు తెలిపాయి.
Comments (0)