హెచ్‌సీయూలో ఫుడ్‌ పాయిజన్‌

21 November 2026 - 03:00
0 0
హెచ్‌సీయూలో ఫుడ్‌ పాయిజన్‌
Hcu
  • 39 మంది విద్యార్థులకు అస్వస్థత

కొండాపూర్‌, నవంబర్‌ 20: గచ్చిబౌలిలోని హైదరాబాద్‌ సెంట్రల్‌ యూనివర్సిటీలో ఫుడ్‌ పాయిజన్‌తో 39 మంది విద్యార్థులు తీవ్ర అస్వస్థతకు గురయ్యారు. గురువారం రాత్రి భోజనం పూర్తి అయ్యాక మెన్స్‌ హాస్టల్‌ ఎం.. అనెక్స్‌.. ఎన్‌ఆర్‌ఎస్‌ హాస్టళ్లలో విద్యార్థులు అస్వస్థతకు గురైనట్లు గుర్తించిన యూనివర్సిటీ యాజమాన్యం యూనివర్సిటీలోని హెల్త్‌ సెంటర్‌కు తరలించారు. అంతేకాక మెన్స్‌ హాస్టల్‌ ఎం వద్ద అత్యవసర వైద్య శిబిరం ఏర్పాటు చేశారు.

శుక్రవారం తెల్లవారు జామున డీఎస్‌డబ్ల్యూ అధికారులు హెల్త్‌ సెంటర్‌కు చేరుకొని విద్యార్థులకు మెరుగైన వైద్యం అందించాలని సూచించారు. ఈ సందర్భంగా పలు విద్యార్థి సంఘాల నాయకులు మాట్లాడుతూ బాధిత విద్యార్థులకు మెరుగైన వైద్యం, పరీక్షల్లో వెసులుబాటు, శాశ్వత న్యూట్రిషన్‌ అధికారిని నియమించడం.. అన్ని మెస్‌ల్లో ఆహార నాణ్యత, హెల్త్‌ సెంటర్‌లో వసతులు, మెస్‌లలో సిబ్బందిని పెంచి నాణ్యమైన ఆహారాన్ని అందించాలని డిమాండ్‌ చేశారు.

Comments (0)

User