వైసీహెచ్ కు వరల్డ్ సెయిలింగ్ అవార్డు

హైదరాబాద్, ఆట ప్రతినిధి: యాట్ క్లబ్ ఆఫ్ హైదరాబాద్ (వైసీహెచ్) అరుదైన ఘనత సాధించింది. ప్రతిష్ఠాత్మక‘వరల్డ్ సెయిలింగ్ ఎలెవన్త్ అవర్ రేసింగ్ ఇంపాక్ట్ అవార్డు’ గెలిచి ఈ గౌరవం అందుకున్న భారత తొలి క్లబ్గా చరిత్ర సృష్టించింది. చైనాలోని కింగ్డావో వేదికగా జరిగిన వరల్డ్ సెయిలింగ్ అవార్డుల వేడుకల్లో వైసీహెచ్ అధ్యక్షుడు సుహైమ్ షేక్ పురస్కారం అందుకున్నారు. 2009లో ఏర్పాటైన వైసీహెచ్ అన్ని రకాల సౌకర్యాలతో పేద చిన్నారులకు ఉచిత శిక్షణ ఇస్తూ 332 జాతీయ, 29 అంతర్జాతీయ పతకాలు గెలుచుకుందని సుహైమ్ షేక్ తెలిపారు.
Comments (0)