పోలింగ్ కేంద్రాలను పెంచాలని అఖిలపక్షం తీర్మానం

బూర్గంపహాడ్, నవంబర్ 10 : బూర్గంపహాడ్ తాసీల్దార్ కార్యాలయంలో తాసీల్దార్ కేఆర్కే ప్రసాద్ మంగళవారం అఖిలపక్ష పార్టీ నాయకులతో సమావేశం నిర్వహించారు. ఈ సమావేశంలో ఎమ్మెల్సీ ఎన్నికలకు సంబంధించి పోలింగ్ కేంద్రాల పెంపు విషయమై చర్చించారు. అయితే ఆయా రాజకీయ పార్టీల నాయకులు బూర్గంపహాడ్‌లో గతంలో రెండు పోలింగ్ కేంద్రాలు ఉన్నాయని, వాటికి తోడు మరో రెండు పోలింగ్ కేంద్రాలను పెంచాలని తీర్మానం చేస్తూ తాసీల్దార్‌కు తీర్మాన పత్రాన్ని అందజేశారు. దీనికి తాసీల్దార్ ఉన్నతాధికారులకు అఖిలపక్ష నాయకుల సంతకాలతో కూడిన తీర్మానం పంపించి పోలింగ్ కేంద్రాల పెంపు కోసం కృషి చేస్తామని తెలిపారు. ఈ సమావేశంలో డిప్యూటీ తాసీల్దార్ ధనియాల వెంకటేశ్వర్లు, బీఆర్ఎస్, సీపీఎం, సీపీఐ, కాంగ్రెస్, బీజేపీ, టీడీపీ తదితర పార్టీలకు చెందిన నాయకులు పాల్గొన్నారు.