పవర్‌ఫుల్‌ పోలీస్‌ కర్ణ

అగ్ర నటుడు నాగార్జున నటిస్తున్న వందో సినిమా ‘కింగ్‌ 100’ నిర్మాణం నుంచి భారీ హైప్‌ని క్రియేట్‌ చేస్తున్నది. రా. కార్తీక్‌ దర్శకత్వం వహిస్తున్న ఈ చిత్రాన్ని స్వీయ నిర్మాణ సంస్థ అన్నపూర్ణ స్టూడియోస్‌ పతాకంపై నాగార్జున నిర్మిస్తున్నారు. చిత్రీకరణ తుదిదశకు చేరుకుంది. డిసెంబర్‌ 24న ప్రేక్షకుల ముందుకురానుంది. ఈ సినిమాలో తమిళ నటుడు అశోక్‌ సెల్వన్‌ కీలక పాత్రను పోషిస్తున్నారు.

సోమవారం ఆయన పుట్టినరోజు సందర్భంగా పోలీస్‌ ఆఫీసర్‌ కర్ణ పాత్రలో ఫస్ట్‌లుక్‌ను విడుదల చేశారు. కథాగమనంలో ఆయన పాత్ర కీలకంగా ఉంటుందని, పవర్‌ఫుల్‌ అండ్‌ మిస్టిరీయస్‌ పోలీస్‌ అధికారిగా ఆయన క్యారెక్టర్‌ ఆకట్టుకుంటుందని మేకర్స్‌ తెలిపారు. టబు, అశోక్‌సెల్వన్‌ తదితరులు నటిస్తున్న ఈ చిత్రానికి కెమెరా: రాజా మహదేవన్‌, సంగీతం: దేవిశ్రీప్రసాద్‌, రచన-దర్శకత్వం: రా కార్తీక్‌.