Maatrubhumi Trailer: మాతృభూమి ట్రైల‌ర్ రిలీజ్ చేసిన స‌ల్మాన్ ఖాన్‌

ముంబై: ల‌డాక్‌లోని గ‌ల్వాన్‌లో భార‌త‌, చైనా సైనికుల మ‌ధ్య ఘ‌ర్ష‌ణ జ‌రిగిన విష‌యం తెలిసిందే. అయితే ఆ ఘ‌ట‌న ఆధారంగా మాతృభూమి సినిమాను స‌ల్మాన్ ఖాన్ తీశారు. ఆ ఫిల్మ్‌కు చెందిన ట్రైల‌ర్‌(Maatrubhumi Trailer)ను రిలీజ్ చేశారు. త‌న ఎక్స్ అకౌంట్‌లో స‌ల్మాన్ ఆ ట్రైల‌ర్ పోస్టు చేశారు. అపూర్వ ల‌ఖియా ఈ ఫిల్మ్‌కు ద‌ర్శ‌క‌త్వం వ‌హిస్తున్నారు. హీరోయిన పాత్ర‌లో చిత్రాంగ‌ద సింగ్ న‌టిస్తున్న‌ది. ఫుల్ యాక్ష‌న్ భ‌రిత స‌న్నివేశాల‌తో చిత్రాన్ని నిర్మించిన‌ట్లు ట్రైల‌ర్ ద్వారా స్ప‌ష్ట‌మ‌వుతోంది. దేశ స‌రిహ‌ద్దుల్లో గ‌ల్వాన్ లోయ‌లో చైనీస్ పీపుల్స్ లిబ‌రేష‌న్ ఆర్మీతో 2020లో జ‌రిగిన ఘ‌ర్ష‌ణ తెలిసిన విష‌యం తెలిసిందే. ఆ ఫైట్‌లో కొంద‌రు సైనికులు వీర‌మ‌ర‌ణం పొందారు. ఆ సైనికుల క‌థ ఆధారంగా ఈ సినిమాను రూపొందించారు.

సల్మాన్ ఖాన్ విరోచిత సైనిక క‌మాండ‌ర్ పాత్ర‌ను పోషించారు. స‌రిహ‌ద్దు వ‌ద్ద తుపాకులు వాడ‌కుండా, భౌతికంగా శ‌త్రు సైనికుల్ని ఎదుర్కొన్న స‌న్నివేశాల‌ను ట్రైల‌ర్‌లో చూపించారు. ఈ ఫిల్మ్ ఇరు దేశాల సైనికుల‌కు చెందిన‌ క‌థ అని స‌ల్మాన్ ట్రైల‌ర్ లాంచింగ్ సంద‌ర్భంగా చెప్పారు. ఈ సినిమా క‌థ‌లో నెగ‌టివ్ సందేశం లేద‌ని, కానీ ఇరు దేశాల సైనికులు ఆ పరిస్థితిలో చిక్కుకున్న‌ప్పుడు జ‌రిగిన సంఘ‌ర్ష‌ణే మాతృభూమి చిత్ర‌మ‌ని స‌ల్మాన్ తెలిపారు. తొలుత ఈ సినిమాకు బ్యాటిల్ ఆఫ్ గ‌ల్వాన్ అని పేరు పెట్టారు. కానీ ఆ త‌ర్వాత టైటిల్‌ను మాతృభూమిగా మార్చారు.

ఈ సినిమాకు ప్రొడ్యూస‌ర్‌గా ఉన్న స‌ల్మాన్‌.. మాతృభూమి బ‌యోపిక్ చిత్రం కాద‌న్నారు. స‌రిహ‌ద్దులో జ‌రిగిన ఘ‌ర్ష‌ణ సంద‌ర్భాన్ని తీసుకుని చిత్రాన్ని తీశామ‌ని, భార‌త్‌, చైనా సైనికులు ఇందులో ఉన్నార‌ని, ఇదేమీ మ‌న సంబంధాల‌ను దెబ్బ‌తీయ‌ద‌ని, స‌ల్మాన్ సినిమా తీశాడు కాబ‌ట్టి ఇండియాపై అటాక్ చేద్దామ‌ని చైనా చెప్ప‌ద‌ని పేర్కొన్నాడు.

2020, జూన్ 15వ తేదీన జ‌రిగిన గ‌ల్వాన్ ఘ‌ర్ష‌ణ‌లో సుమారు 20 మంది భార‌తీయ సైనికులు మృతిచెందారు. అత్యాధునిక ఆయుధాలు వాడ‌కుండానే ఇరు దేశాల సైనికులు కొట్టుకున్నారు. వాస్త‌వాదీన రేఖ దగ్గ‌ర జ‌రిగిన ఆ ఘ‌ట‌న ఇరు దేశాల్లో ఉత్కంఠ వాతావ‌ర‌ణాన్ని క్రియేట్ చేసింది. 16వ బీహార్ రెజిమెంట్ క‌మాండింగ్ ఆఫీస‌ర్ క‌ల్న‌ల్ సంతోష్ బాబు పాత్ర‌ను స‌ల్మాన్ పోషిస్తున్నారు. డిసెంబ‌ర్ 4వ తేదీన మాతృభూమి చిత్రాన్ని రిలీజ్ చేయ‌నున్నారు.

Aaj release karoon ya kal ?
Jo kal kare so aaj kar, Jo aaj kare so ab.Enjoy the trailer…..
#MaatrubhumiTrailer out now

@IChitrangda @LakhiaApoorva #ZeynShaw #AbhishrriSen @JasonThamIndia @TheAnkurBhatia #HarshilShah #HeeraSohal #VipinBhardwaj @TanyaDesai4 #HimeshReshammiya @meetbros @SKFilmsOfficial @SKF_Music @RaviBasrur @cchintanshaah @ShamiraahN @editormayuresh

— Salman Khan (@BeingSalmanKhan) November 10, 2026