రబ్బరు స్టాంపుల్లా కాగ్నిజెన్స్‌ ఉత్తర్వులు
హైదరాబాద్‌, నవంబర్‌ 10 (నమస్తే తెలంగాణ): పోలీసులు సమర్పించిన చార్జిషీట్లను కాగ్నిజెన్స్‌ (విచారణకు స్వీకరించడం) తీసుకునే సమయంలో మేజిస్ట్రేట్‌లు ప్రాథమిక ఆధారాలను పరిశీలించి, విచక్షణాధికారాన్ని వినియోగించకుండా రబ్బరు స్టాంపులను ఉపయోగించి తీసుకుంటున్నట్టుగా ఉందని హైకోర్టు వ్యాఖ్యానించింది. ఇలా యాంత్రికంగా వ్యవహరించడం వల్ల నిందితులు హైకోర్టును ఆశ్రయిస్తున్నారని, గత జనవరి నుంచి ఇప్పటివరకు ఇలాంటి ఉత్తర్వులను 500 రద్దు చేశామని పేరొంది. కాగ్నిజెన్స్‌ తీసుకోవడంలో సుప్రీంకోర్టు మార్గదర్శకాలను అనుసరించేలా అవగాహన కల్పించేందుకు జ్యుడీషియల్‌ అకాడమీ తగిన శిక్షణ ఇవ్వాలని ఆదేశాలు జారీ చేసింది.
Comments (0)