అన్ని బస్‌స్టాండ్లలో సీసీటీవీ కెమెరాలు: ఆర్టీసీ ఎండీ
హైదరాబాద్‌, నవంబర్‌ 10 (నమస్తే తెలంగాణ): ప్రయాణికులకు మెరుగైన సేవలందించడమే లక్ష్యంగా తెలంగాణ ఆర్టీసీ అడుగులు వేస్తున్నదని సంస్థ ఎండీ వై నాగిరెడ్డి తెలిపారు. ప్రయాణికుల భద్రత, బస్‌స్టాండ్లలో రద్దీ నిర్వహణ, కార్యకలాపాల పర్యవేక్షణను మరింత పటిష్టం చేసేందుకు త్వరలో అన్ని బస్‌స్టేషన్లలో సీసీటీవీ కెమెరాలను ఏర్పాటు చేయాలని నిర్ణయించినట్టు వెల్లడించారు.
ఈ సీసీటీవీ వ్యవస్థలను ప్రాంతీయ కార్యాలయాలకు, ప్రధాన కార్యాలయానికి అనుసంధానిస్తారని, ప్రయాణికుల రాకపోకలు, బస్‌స్టాండ్లలో రద్దీ, ఇతర కార్యకలాపాలను నిరంతరం సమర్థంగా పరిశీలించేందుకు వీలవుతుందని మంగళవారం ఓ ప్రకటనలో వివరించారు.
Comments (0)