కాళోజీ వర్సిటీలో ‘ఫెయిల్‌’ రచ్చ!

21 November 2026 - 07:30
0 0
కాళోజీ వర్సిటీలో ‘ఫెయిల్‌’ రచ్చ!
Kaloji

హైదరాబాద్‌, నవంబర్‌ 20 (నమస్తే తెలంగాణ): కాళోజీ నారాయణరావు యూనివర్సిటీ ఆఫ్‌ హెల్త్‌ సైన్సెస్‌లో ఉద్దేశపూర్వకంగా ఏడుగురు విద్యార్థులను ఫెయిల్‌ చేయడం తీవ్ర వివాదాస్పదంగా మారింది. గాంధీ మెడికల్‌ కాలేజీలో పీడియాట్రిక్స్‌ విభాగంలో పీజీ చదువుతున్న విద్యార్థులను ప్రాక్టిల్స్‌లో కావాలనే ఫెయిల్‌ చేశారని ఆరోపణలు వినవస్తున్నాయి.

ఫెయిల్‌ చేసిన వారిలో ఓ విద్యార్థి నీట్‌లో టాపర్‌గా ఉన్నట్టు సమాచారం. ఈ ఏడుగురు విద్యార్థులు థియరీలో మంచి ప్రతిభ కనబర్చినట్టు తెలిసింది. ఈ వ్యవహారంలో విద్యార్థులను ఉద్దేశపూర్వకంగా ఫెయిల్‌ చేసిన పీడియాట్రిక్‌ విభాగం హెచ్‌వోడీ డాక్టర్‌ వాసుదేవ్‌ను ఏడాదిపాటు, డాక్టర్‌ వేదవ్యాస్‌, డాక్టర్‌ రాజీవ్‌పై రెండేండ్లపాటు వర్సిటీ పరీక్షల విధుల్లో పాల్గొనకుండా వేటు వేస్తూ కాళోజీ వర్సిటీ నిర్ణయం తీసుకున్నది.

Comments (0)

User