కేంద్రం సహకారంతోనే ఆంధ్రప్రదేశ్ జల దోపిడీ

- ఏపీకి సాగర్ జలాల తరలింపుపై రేవంత్ సర్కార్ నిర్లక్ష్యం
- తెలంగాణ జల ప్రయోజనాలకు విఘాతం కలిగిస్తే ఊరుకోం
- సీపీఐ జిల్లా కార్యదర్శి, ఎమ్మెల్సీ నెల్లికంటి సత్యం హెచ్చరిక
రామగిరి, న వంబర్ 20 : కేంద్ర ప్రభుత్వ సహకారంతో ఏపీ సర్కార్ జల దోపిడీ చేస్తున్నదని ఎ మ్మెల్సీ, సీపీఐ జిల్లా కార్యదర్శి నెల్లికంటి సత్యం ఆరోపించారు. నాగార్జునసాగర్ విజయపురి వద్ద, పోతిరెడ్డిపాడు ద్వారా ఏపీకి కృష్ణా జలాలను తరలించే వ్యవహారంపై తెలంగాణ సర్కార్ నిర్లక్ష్యంగా వ్యవహరిస్తున్నదని విమర్శించారు. ఎనిమిది నెలలుగా జలాల తరలింపు పనులు జరుగుతు న్నా రాష్ట్ర ప్రభుత్వం గుర్తించకపోవడం దారుణమని మండిపడ్డారు. శుక్రవారం నల్లగొండలోని సీపీఐ జిల్లా కార్యాల యంలో మీడియాతో మాట్లాడారు.
పల్నాడు వాటర్గ్రిడ్ పేరుతో ఏపీ సర్కార్ నీటి తరలింపు వల్ల తెలంగాణ ప్రయోజనాలకు తీవ్ర విఘాతం కలుగుతున్నదని, దీన్ని తాము ఎట్టి పరిస్థితుల్లోనే అంగీకరించేది లేదని స్పష్టం చేశారు. కృష్ణా నదీ జలాల విషయంలో విభజన చట్టాన్ని అమలు చేసి తెలంగాణకు దకాల్సిన నీటి వాటాను తక్షణమే తే ల్చాలని కోరారు. ఈ అంశంపై తెలంగాణ బీజేపీ మంత్రులు, ఎంపీలు కూడా స్పందించి కేంద్రంపై ఒత్తిడి తేవాలని డిమాండ్ చేశారు. నీటి తరలింపు వ్యవహారమంతా ప్రధాని మోదీ కనుసన్నలోనే చంద్రబాబు కొనసాగిస్తున్నారని ఆరోపించారు. ప్రజలు ఈ అన్యాయానికి వ్యతిరేకంగా గొంతెత్తాలని పిలుపునిచ్చారు. ఏపీ పాలకుల తీరు, తెలంగాణ సర్కార్ నిర్లక్ష్యాన్ని తాము తీవ్రంగా ఖండిస్తున్నట్టు చెప్పారు.
Comments (0)