ఆగస్టులోనే జీవో 453.. నీటి కేటాయింపులు చేస్తూ ఏపీ ఉత్తర్వులు

21 November 2026 - 07:30
0 0
ఆగస్టులోనే జీవో 453.. నీటి కేటాయింపులు చేస్తూ ఏపీ ఉత్తర్వులు
01
  • 4నెలలుగా పట్టింపులేని తెలంగాణ సర్కార్‌
  • విషయం వెలుగులోకి వచ్చాక హడావుడి
  • ఈ నెల 16వ తేదీన కేఆర్‌ఎంబీకి లేఖ

హైదరాబాద్‌, నవంబర్‌20 (నమస్తే తెలంగాణ) : నాగార్జునసాగర్‌ నుంచి తా గునీటికి జలాలను కేటాయిస్తూ ఏపీ నా లుగు నెలల క్రితమే జీవో జారీచేసింది. ఏ కంగా పనులు చేపట్టినా మొన్నటివరకు తెలంగాణ సర్కార్‌కు చలనం లేకుండా పోయింది. కానీ ఏపీ అక్రమ ప్రాజెక్టు వి షయం వెలుగులోకి రాగానే తత్తరపాటు కు గురైంది. ఉన్నపళంగా కేఆర్‌ఎంబీకి లేఖ రాసి హడావుడి చేయడం ప్రారంభించింది. ఏపీ, కేంద్ర ప్రభుత్వం జల్‌జీవన్‌ మిషన్‌-2లో భాగంగా రూ.1,200 కోట్ల తో అమరజీవి పల్నాడు వాటర్‌గ్రిడ్‌ స్కీమ్‌ చేపట్టింది. పల్నాడు, దర్శి, పర్చూరు ప్రాంతాల్లోని 33 మండలాలు, 889 గ్రా మాల్లో ప్రతి ఇంటికీ శుద్ధి చేసిన నల్లానీటిని అందించడం దీని ప్రధాన ఉద్దేశం. ఈ స్కీమ్‌ కోసం అవసరమయ్యే జలాలను సాగర్‌ నుంచి ఏపీ కేటాయించింది. ఈ మేరకు ఆగస్టు 4న జీవో 453ను జారీచేసింది. ఇప్పటివరకూ సాగర్‌ కుడికాలువ ద్వారా తాగునీటి అవసరాలు తీర్చుకుంటున్నారు. ఆ జలాల్లో నుంచే జల్‌జీవన్‌ మిషన్‌ కోసం 1.865 టీఎంసీలను కేటాయిస్తున్నట్టు తెలిపింది. స్కీమ్‌ అమల్లోకి వచ్చిన తర్వాత కాలువ ద్వారా నీటి వినియోగాలను నిలిపేస్తామని ఏపీ జలవనరుల ప్రత్యేక ప్ర ధాన కార్యదర్శి శశిభూషణ్‌కుమార్‌ ఉత్తర్వులు జారీచేశారు.

నిబంధనలు బేఖాతరు

ఏపీ పునర్‌వ్యవస్థీకరణ చట్టం ప్రకారం ఉమ్మడి రిజర్వాయర్లు, కృష్ణా, గోదావరి ఆధారంగా చేసుకొని చేపట్టే ఏ ప్రాజెక్టుకైనా ముందస్తుగా సమాచారం ఇవ్వాలి. అనుమతి తీసుకోవాలి. కేఆర్‌ఎంబీకి తెలుపాలి. అపెక్స్‌ కౌన్సిల్‌లో ఆమోదం పొందాలి. కానీ అవేవీ లేకుండానే ఏపీయే స్వతహాగానే సాగర్‌ నుంచి జలాలను కేటాయించుకోవడంతోపాటు, ప్రాజెక్టు పనులూ చేపట్టింది. ప్రాజెక్టును రెండు దశల్లో చేపట్టేందుకు ప్రణాళికలు రూపొందించుకొని ఏపీ ముందుకుసాగుతున్నది. కొత్తగా నిర్మించిన ఓవర్‌హెడ్‌ నిల్వ జలాశయాల ద్వారా 10 ప్రాధాన్య మండలాలకు అందజేయాలని, రెండో దశలో ఫుల్‌గ్రిడ్‌ నెట్‌వర్‌ అంతటా నీటి సరఫరాను అనుసంధానించాలని లక్ష్యంగా పెట్టుకొన్నది. అందుకు సంబంధించిన పనులను సైతం అనుమతుల్లేకుండానే ప్రారంభించింది.

నాలుగు నెలలైనా పట్టించుకోని వైనం

నాగార్జునసాగర్‌ నుంచి జలాలను కేటాయించడంతోపాటు, ప్రాజెక్టు పనులను సైతం ఏపీ ప్రారంభించి 4నెలలైనా ఇక్కడి సర్కార్‌ పట్టించుకోలేదు. సాగర్‌ జలాశయం డెడ్‌స్టోరేజీ 510 ఫీట్ల కన్నా కిందిస్థాయిలో అంటే 150 మీటర్ల (492 ఫీట్లు) నుంచే నీటిని తరలించేందుకు డ్యామ్‌ కుడివైపున విజయపుర సౌత్‌ నుంచి ఏపీ కాలువను తవ్వింది. తరలించిన నీటిని నిల్వ చేసేందుకు ఇప్పటికే మూడు ఇన్‌టేక్‌ బావులను నిర్మించింది. అక్కడ శుద్ధిచేసిన నీరు గ్రావిటీ ద్వారా 50-60 మీటర్ల హెడ్‌తో) సత్తెనపల్లి, ప ర్చూర్‌ వైపు తరలిస్తారు. తర్వాత 1,400 కిలోమీటర్లకు పైగా పైపులైన్‌తోపాటు, 200 ఓవర్‌హెడ్‌, చెరువులను అనుసంధానించనున్నారు. దాదాపు ఇప్పటికే 20 శాతం సివిల్‌ పనులను పూర్తిచేసింది. ఇంత జరుగుతున్నా తెలంగాణ సర్కార్‌లో చలనమే లేకుండా పోయింది. ఇటీవల అక్కడ కొనసాగుతున్న పనుల విషయం పత్రికల ద్వారా వెలుగులోకి రాగానే కాంగ్రెస్‌ ప్రభుత్వం తత్తరపాటుకు గు రైంది. ఉన్నపళంగా కేఆర్‌ఎంబీకి 16వ తే దీన లేఖ రాసింది. పనుల సంగతి ముందే తెలుసు అంటూ సర్దిచెప్పుకొనే ప్రయత్నం చేసింది. అనుమతుల్లేకుండా చేపడుతున్న పనులపై సమాచారమున్నా కూడా ముం దే అభ్యంతరం ఎందుకు చెప్పలేదనేది ఇప్పుడు చర్చనీయాంశంగా మారింది.

Comments (0)

User