ఆర్టీసీలో అవినీతిపై విచారణ జరుపాలి!

21 November 2026 - 07:30
0 0
ఆర్టీసీలో అవినీతిపై విచారణ జరుపాలి!
Telangana Rtc
  • వెయ్యి కోట్ల దుర్వినియోగంపై లోకాయుక్తలో కేసు

హైదరాబాద్‌, నవంబర్‌ 20 (నమస్తే తెలంగాణ) : తెలంగాణ ఆర్టీసీలో నాడు జరిగిన భారీ అవినీతి, అక్రమాలపై నిష్పక్షపాత విచారణ జరిపించాలని కార్మికులు డిమాండ్‌ చేస్తున్నారు. ఈ మేరకు టీజీఎస్‌ఆర్టీసీ విక్టిమ్స్‌ ఎంప్లాయీస్‌ వెల్ఫేర్‌ అసోసియేషన్‌ ప్రతినిధి దుగ్గు రాజేందర్‌ సహా పలువురు కార్మికులు నాటి ఎండీ సజ్జనార్‌పై పలుచోట్ల ఫిర్యాదు చేశారు. సంస్థలో సుమారు రూ.వెయ్యి కోట్ల మేర నిధుల దుర్వినియోగం జరిగిందని, పలువురు కార్మికులను అక్రమంగా ఉద్యోగాల నుంచి తొలగించారని నాటి నుంచి వారు చెప్తూనే ఉన్నారు. ఈ వ్యవహారంపై కార్మికులు చేసిన ఫిర్యాదు మేరకు లోకాయుక్తలో కేసు నమోదైంది. కేసు నంబర్‌ 197/2025గా విచారణ కొనసాగుతున్నది. ఈ కేసుకు సంబంధించి తదుపరి విచారణ డిసెంబర్‌ 28న జరుగనున్నది.

2021లో ఆర్టీసీ ఎండీగా బాధ్యతలు చేపట్టిన వీసీ సజ్జనార్‌ హయాంలో అక్రమాలు జరిగాయంటూ 2025 ఫిబ్రవరి 28న రాష్ట్రపతి, ప్రధానమంత్రి, సుప్రీంకోర్టు ప్రధాన న్యాయమూర్తి, కేంద్ర హోంమంత్రి, కేంద్ర రవాణాశాఖ మంత్రి, తెలంగాణ ముఖ్యమంత్రి, గవర్నర్‌, రాష్ట్ర లోకాయుక్తకు కార్మికులు ఆధారాలతో సహా లిఖితపూర్వకంగా ఫిర్యాదు చేశారు. నర్సంపేట డిపోకు చెందిన డ్రైవర్‌ కోలా శంకర్‌గౌడ్‌ మరణానంతరం కుటుంబానికి అందించిన రూ.90,80,500 నిధులు ఎకడి నుంచి వచ్చాయో స్పష్టం చేయాలని రాజేందర్‌ డిమాండ్‌ చేశారు. రాష్ట్రవ్యాప్తంగా కార్మికుల నుంచి రూ.300 చొప్పున వసూలు చేస్తే సుమారు రూ.1.14 కోట్లకు పైగా సమకూరుతాయని, కుటుంబానికి రూ.90.80 లక్షలు అందించినట్టయితే మిగిలిన రూ.23 లక్షలకు పైగా నిధులు ఏమయ్యాయని ప్రశ్నించారు. ఆర్టీసీ మాజీ ఎండీ వీసీ సజ్జనార్‌ హయాంలో తీసుకున్న పలు నిర్ణయాలు సంస్థకు ఆర్థికభారంగా మారాయని, కార్మికుల సంక్షేమానికి విఘాతం కలిగించాయని రాజేందర్‌ ఆరోపించారు.

ఉద్యోగుల కుటుంబాలకు అందించే కారుణ్య నియామకాల నుంచి బస్సుల నిర్వహణ, దవాఖాన నిర్మాణాలు, కాంట్రాక్టుల కేటాయింపుల వరకు పలు అంశాల్లో అవకతవకలు జరిగాయని పేరొన్నారు. ఆర్టీసీ కార్మికుల వైద్య అవసరాల కోసం ఉన్న తార్నాక దవాఖాన నిర్మాణ పనుల కేటాయింపుల్లో నిబంధనలు ఉల్లంఘించారని ఆరోపించారు. కోట్ల రూపాయల విలువైన నిర్మాణ పనులను నామినేషన్‌ పద్ధతిలో కేటాయించారని పేరొన్నారు. ఈ పనులకు సంబంధించిన టెండర్‌ ప్రక్రియ, కాంట్రాక్టర్ల ఎంపిక, చెల్లింపుల వివరాలను బహిర్గతం చేయాలని డిమాండ్‌ చేశారు. మియాపూర్‌, ఉప్పల్‌లో ఆర్టీసీకి సొంత బస్సు బాడీ నిర్మాణ వర్‌షాప్‌లు ఉన్నాయని, మరోచోట ప్రభుత్వమే సుమారు ఏడెకరాల స్థలం కేటాయించిందని రాజేందర్‌ తెలిపారు. ఇన్ని సౌకర్యాలు ఉన్నప్పటికీ స్థానిక వర్‌షాప్‌లను పకనపెట్టి బస్సుల బాడీ నిర్మాణ పనులను కర్ణాటకలోని దావణగిరి ప్రాంతాలకు తరలించారని ఆరోపించారు. దీనివల్ల తెలంగాణలోని ఆర్టీసీ వనరులు నిరుపయోగంగా మారడంతోపాటు సంస్థకు అదనపు వ్యయం జరిగిందని పేరొన్నారు.

Comments (0)

User