సిద్దిపేట రేవంత్ సభకు వచ్చి మహిళ మృతి

- కుటుంబ సభ్యులకు మంత్రి పొన్నం పరామర్శ
సిద్దిపేట/హుస్నాబాద్ రూరల్, నవంబర్ 20: సిద్దిపేటలో గురువారం జరిగిన సీఎం రేవంత్ బహిరంగ సభకు హాజరైన మహిళ బస్సు ప్రమాదం లో మృతిచెందింది. హు స్నాబాద్ మండలం నాగా రం గ్రామానికి చెందిన కొమ్మ సారవ్వ సీఎం సభకు వచ్చారు. అనంతరం సభాస్థలి నుంచి పార్కింగ్ చేసిన చోట గ్రామానికి కేటాయించిన బస్సు వద్దకు వెళ్తుండగా, రెండు బస్సుల మధ్యలో ఇరుకోవడంతో గాయపడి కింద పడిపోయింది.
తోటి మహిళలు ఆమెను సిద్దిపేట ఏరియా దవాఖానకు తరలించగా, చికిత్స పొందుతూ రాత్రి 10 గంటలకు మృతి చెందింది. ఈ విషయం బయటకు తెలియకుండా కాంగ్రెస్ నాయకులు శుక్రవారం ఉదయం వరకు తొకిపెట్టారు. మంత్రి పొన్నం ప్రభాకర్ ఉదయం సిద్దిపేట ఏరియా దవాఖానకు వచ్చి సారవ్వ మృతదేహానికి నివాళులర్పించారు. కలెక్టర్ హైమావతితో కలిసి మృతురాలి కుటుంబ సభ్యులను పరామర్శించారు. ప్రభుత్వం తరఫున రూ.ఐదు లక్షల తక్షణ ఆర్థిక సహాయాన్ని అందజేశారు.
Comments (0)