Housing MD Gautham | ఇందిరమ్మ ఇండ్ల నిర్మాణంలో పురోగతి ఉండాలి : హౌసింగ్ ఎండి గౌతమ్

21 November 2026 - 21:09
0 0
Housing MD Gautham | ఇందిరమ్మ ఇండ్ల నిర్మాణంలో పురోగతి ఉండాలి : హౌసింగ్ ఎండి గౌతమ్
Gadwal

గద్వాల : గ్రామపంచాయతీలో ఇందిరమ్మ ఇండ్లు  ( Indiramma houses) నిర్మించుకుంటున్న ప్రతి లబ్ధిదారుడికి పీఎం ఆవాస్ పథకం కింద సహకారం అందేందుకు జాబ్ కార్డులను తప్పనిసరిగా అందజేయాలని తెలంగాణ హౌసింగ్ కార్పొరేషన్ ఎండి గౌతమ్ (Housing MD Gautham)  అన్నారు. శనివారం జిల్లాలో పర్యటించిన అనంతరం కలెక్టర్ క్యాంప్ కార్యాలయంలో జిల్లా కలెక్టర్ రిజ్వాన్ బాషా షేక్ తో కలిసి సంబంధిత అధికారులతో ఇందిరమ్మ ఇండ్ల పురోగతిపై సమీక్ష సమావేశం నిర్వహించారు.

ఈ సందర్భంగా ఆయన మాట్లాడుతూ ప్రభుత్వం ఇందిరమ్మ ఇండ్ల నిర్మాణాన్ని ఎంతో ప్రతిష్టాత్మ కంగా చేపట్టిందన్నారు. ఇందులో భాగంగానే మొదటి విడతలో ప్రతి నియోజకవర్గానికి 3,500 చొప్పున ఇండ్లు నిర్మించేందుకు లబ్ధిదారులను గుర్తించి మంజూరు చేసిందన్నారు. సొంత స్థలం ఉన్న లబ్ధిదారులు ఇందిరమ్మ ఇంటి నిర్మాణానికి దరఖాస్తు చేసుకుంటే సంబంధిత అధికారులు విచారణ జరిపి గ్రామ కమిటీ ద్వారా అర్హులైన వారికి మంజూరు చేసిందని వివరించారు.

ప్రభుత్వం రెండో విడతలో ఇందిరమ్మ ఇళ్ల నిర్మాణానికి ప్రతి నియోజకవర్గానికి 2000 చొప్పున నిర్మించుకునేందుకు అవకాశం కల్పించిందన్నారు. ఇందులో రూఫ్ రీప్లేస్మెంట్ స్కీమ్ లో భాగంగా ఇప్పటికే రేకుల షెడ్లు, పెంకులు, తదితర ఉన్న ఇండ్ల యజమానులు ఆర్ సిసి వేసుకునేందుకు ప్రభుత్వం రూ.2 లక్షల చొప్పున సహకారం అందిస్తుందన్నారు.

కేంద్ర ప్రభుత్వం పీఎం ఆవాస్ పథకం ద్వారా నిరుపేదలకు పక్కా గృహాల నిర్మాణానికి సహకారం అందిస్తున్నందున వాటి లబ్ధిదారుల వివరాలను సంబంధిత పోర్టల్ లో నమోదు చేయాల్సి ఉంటుందన్నారు క్షేత్రస్థాయిలో తరచూ హౌసింగ్ అధికారులతో పాటు ఎంపీడీవోలు, పంచాయతీ కార్యదర్శులు, మున్సిపల్ కమిషనర్లు, వార్డు అధికారులు పర్యవేక్షణ చేస్తూ ఇండ్ల నిర్మాణం వేగవంతం కావడానికి కృషి చేస్తున్నట్లు కలెక్టర్ పేర్కొన్నారు.

Comments (0)

User