woman pawns mangalsutra | మంగళసూత్రాన్ని తాకట్టు పెట్టి.. ఇద్దరు ప్రియుళ్లతో కలిసి భర్తను హత్య చేసిన మహిళ

21 November 2026 - 21:09
0 0
woman pawns mangalsutra | మంగళసూత్రాన్ని తాకట్టు పెట్టి.. ఇద్దరు ప్రియుళ్లతో కలిసి భర్తను హత్య చేసిన మహిళ
Woman Pawns Mangalsutra To

భువనేశ్వర్‌: ఒక మహిళ తన మంగళసూత్రాన్ని తాకట్టు పెట్టి డబ్బు సమకూర్చింది. ఇద్దరు ప్రియుళ్లతో కలిసి భర్తను హత్య చేసింది. దర్యాప్తు చేసిన పోలీసులు ఆ మహిళతో సహా ముగ్గురిని అరెస్ట్‌ చేశారు. (woman pawns mangalsutra to kill husband) ఒడిశాలోని సుబర్ణపూర్ జిల్లాలో ఈ సంఘటన జరిగింది. 38 ఏళ్ల సుదామ్‌, 34 ఏళ్ల కవితకు 2009లో వివాహమైంది. 15 ఏళ్ల కుమార్తె, పదేళ్ల కుమారుడు వారికి ఉన్నారు.

కాగా, కవితకు ఇద్దరు ప్రియుళ్లున్నారు. 34 ఏళ్ల త్రిలోచన్ అలియాస్ టింకు అలియాస్ టికేచంద్ బాగ్‌తో రెండేళ్లుగా, 42 ఏళ్ల యువరాజ్ సాహుతో 12 ఏళ్లుగా ఆమెకు వివాహేతర సంబంధం ఉన్నది. వీరితో సంబంధాలను తెంచుకోవాలని భర్త సుదామ్‌, భార్య కవితను పలుమార్లు హెచ్చరించాడు. ఈ నేపథ్యంలో ఈ దంపతుల మధ్య తరచుగా గొడవలు జరుగుతున్నాయి. దీంతో భర్త  అడ్డు తొలగించుకోవాలని కవిత నిర్ణయించింది. తన ఇద్దరు ప్రియుళ్లతో కలిసి ప్లాన్‌ వేసింది.

మరోవైపు భర్త హత్యకు డబ్బు సమకూర్చడం కోసం ఒక ప్రియుడైన త్రిలోచన్‌కు తన మంగళసూత్రాన్ని కవిత ఇచ్చింది. దీంతో అతడు రూ.45,000కు తాకట్టు పెట్టాడు. మరో రూ.15,000 కలిపి రూ.60,000తో రూర్కెలాకు చెందిన ఒక వ్యక్తి నుంచి నాటు తుపాకీ, మందుగుండు సామగ్రిని కొనుగోలు చేశాడు. ఆన్‌లైన్ పేమెంట్ యాప్‌లు, నగదు రూపంలో చెల్లింపులు జరిపాడు. ఆ తర్వాత సుదామ్‌ హత్యకు వారు కుట్ర పన్నారు.

అయితే వృత్తిరిత్యా వెల్డర్ అయిన సుదామ్, నవంబర్‌ 17న రాత్రి 7.30 గంటల సమయంలో బైక్‌పై ఇంటికి బయలుదేరాడు. మరో ప్రియుడైన సాహూ, అతడి కదలికలను గమనించి కవితకు సమాచారం ఇచ్చాడు. ఇన్‌స్టంట్ మెసేజింగ్ యాప్ ద్వారా త్రిలోచన్‌కు ఆమె తెలియజేసింది. దీంతో పాంకెల్ స్క్వేర్ వద్ద సుదామ్‌ను అతడు అడ్డగించాడు. నాటు తుపాకీతో కాల్పులు జరిపి హత్య చేశాడు. ఆ తర్వాత సుదామ్‌ మొబెల్‌ ఫోన్‌ తీసుకుని త్రిలోచన్‌ పారిపోయాడు.

కాగా, అదే రోజున గుర్తు తెలియని వ్యక్తి తన భర్తను హత్య చేసినట్లు దుంగురిపాలి పోలీస్ స్టేషన్‌లో కవిత ఫిర్యాదు చేసింది. దీంతో పోలీసులు కేసు నమోదు చేసి దర్యాప్తు చేశారు. స్థానికుల నుంచి వివరాలు సేకరించారు. సాంకేతిక ఆధారాలు, నిఘా సమాచారంతో సుదామ్‌ హత్య మిస్టరీని చేధించారు. కవిత తన ఇద్దరు ప్రియుళ్లతో కలిసి భర్తను హత్య చేయించినట్లు దర్యాప్తులో తెలుసుకున్నారు.

ఆ ముగ్గురు నిందితులను పోలీసులు అరెస్ట్‌ చేశారు. ఒక నాటు తుపాకీ, నాలుగు ఖాళీ తూటాల కేసులు, రెండు బైకులు, ఐదు మొబైల్ ఫోన్లు, రూ. 1,460 నగదును నిందితుల నుంచి స్వాధీనం చేసుకున్నట్లు పోలీస్‌ అధికారి తెలిపారు. వారిపై చట్టపరంగా చర్యలు చేపట్టినట్లు వివరించారు.

Comments (0)

User