IPS Officer | మహిళా ఐపీఎస్‌ అధికారికి అశ్లీల వీడియోలు.. తెలంగాణ పోలీస్‌ శాఖలో కలకలం

22 November 2026 - 16:00
0 0
IPS Officer | మహిళా ఐపీఎస్‌ అధికారికి అశ్లీల వీడియోలు.. తెలంగాణ పోలీస్‌ శాఖలో కలకలం
Women Ips Officer

IPS Officer | తెలంగాణ పోలీస్‌ శాఖలో ఉన్నతస్థాయిలో పనిచేస్తున్న ఓ మహిళా ఐపీఎస్‌ అధికారికి గుర్తుతెలియని వ్యక్తి నుంచి అశ్లీల వీడియోలు, చిత్రాలు వచ్చిన ఘటన కలకలం రేపింది. ఆమె అధికారిక వాట్సప్‌ నంబర్‌కు ఈ నెల 16న రాత్రి అసభ్యకర దృశ్యాలు పంపించినట్లు తెలిసింది. ఈ ఘటనపై పోలీసులకు ఫిర్యాదు అందడంతో కేసు నమోదు చేసి దర్యాప్తు చేపట్టారు.

అధికారిక విధుల్లో భాగంగా సంబంధిత విభాగానికి చెందిన మహిళా ఏఎస్సై ఆ సెల్‌ఫోన్‌ను పర్యవేక్షిస్తున్న సమయంలో ఈ సందేశాలు వచ్చినట్లు సమాచారం. ఈ నెల 16న రాత్రి 8 గంటల సమయంలో గుర్తుతెలియని నంబర్‌ నుంచి వీడియోలు, చిత్రాలు వాట్సప్‌కు చేరాయి. వాటిని పరిశీలించిన మహిళా ఏఎస్సై అసభ్యకరమైనవిగా గుర్తించినట్లు తెలుస్తోంది.

ఈ ఘటనపై మహిళా ఏఎస్సై పోలీసులకు ఫిర్యాదు చేశారు. దీంతో గుర్తుతెలియని వ్యక్తిపై కేసు నమోదు చేసిన పోలీసులు.. అసభ్యకర వీడియోలు, చిత్రాలు పంపిన వ్యక్తి ఎవరనే కోణంలో దర్యాప్తు చేస్తున్నారు. అధికారిక నంబర్‌కు ఈ తరహా సందేశాలు రావడం పోలీస్‌ శాఖలో చర్చనీయాంశంగా మారింది.

Comments (0)

User