YSRCP | టీడీపీ ఎమ్మెల్యే జయరాం వర్గీయుల దౌర్జ‌న్యం.. వైఎస్సార్‌సీపీ నేత రామాంజనేయరెడ్డి కిడ్నాప్‌

22 November 2026 - 16:00
0 0
YSRCP | టీడీపీ ఎమ్మెల్యే జయరాం వర్గీయుల దౌర్జ‌న్యం.. వైఎస్సార్‌సీపీ నేత రామాంజనేయరెడ్డి కిడ్నాప్‌
Ramajaneuulu

YSRCP | ఏపీలో కూట‌మి ప్ర‌భుత్వ ఆగ‌డాలు కొన‌సాగుతూనే ఉన్నాయి. వైఎస్‌సీపీ నేత‌లే ల‌క్ష్యంగా దాడుల‌కు పాల్ప‌డుతున్నారు. తాజాగా అనంతపురం జిల్లా గుంతకల్లు టీడీపీ ఎమ్మెల్యే గుమ్మనూరు జయరాం వర్గీయుల దాష్టీకానికి దిగారు. వైఎస్సార్‌సీపీ నేత రామాంజనేయరెడ్డిని తెలుగు దేశం పార్టీ మూకలు కిడ్నాప్ చేశారు. గుత్తి మండలం ఊబిచర్ల గ్రామానికి చెందిన రామాంజనేయ రెడ్డి.. సర్పంచ్ ఎన్నికల్లో వైఎస్సార్‌సీపీ మద్దతుదారులతో నామినేషన్లు వేయించారు. వైఎస్సార్‌సీసీకి మద్దతు ఇచ్చారన్న కారణంతో కిడ్నాప్‌కు పాల్ప‌డ్డారు.

అలాగే పాతకొత్తచెరువు గ్రామంలో వైఎస్సార్‌సీపీ సర్పంచ్ అభ్యర్థి వెంకటేశ్వర్లు ఇంటిపై దౌర్జన్యానికి దిగారు. వెంకటేశ్వర్లు ఇంట్లో లేకపోవడంతో టీడీపీ ఎమ్మెల్యే గుమ్మనూరు జయరాం వర్గీయులు వార్నింగ్ ఇచ్చి వెళ్లారు. కాగా, జయరాం వర్గీయుల గూండాగిరిపై ఫిర్యాదు చేసినా పోలీసులు పట్టించుకోక‌పోవ‌డం విమ‌ర్శ‌ల‌కు తావిస్తున్న‌ది. ఎమ్మెల్యే జయరాం వర్గీయుల గూండాగిరి దృశ్యాలు సోషల్ మీడియాలో వైరల్‌గా మారాయి.

Comments (0)

User