TTD | టీటీడీ ఎస్వీ ప్రాణదాన ట్రస్టుకు రూ.50 లక్షల విరాళం

తిరుపతి : టీటీడీ ( TTD ) నిర్వహిస్తున్న ఎస్వీ ప్రాణదాన ట్రస్టుకు హైదరాబాద్కు చెందిన హెచ్ఆర్ ఛాంబర్స్ ఔట్సోర్సింగ్ ప్రైవేట్ లిమిటెడ్ డైరెక్టర్ పార్వతి రూ.50 లక్షలు విరాళంగా ( Donation ) అందించారు.ఈ మేరకు శనివారం తిరుపతిలోని పద్మావతి విశ్రాంతి భవనంలో టీటీడీ ఈవో ముద్దాడ రవిచంద్రను కలిసి విరాళానికి సంబంధించిన డీడీని అందజేశారు.
తిరుమలలో భక్తుల రద్దీ కొనసాగుతుంది . ఆదివారం 31 కంపార్టుమెంట్లు నిండిపోగా టోకెన్లు లేని భక్తులకు 18 గంటల్లో సర్వదర్శనం అవుతుందని టీటీడీ అధికారులు వివరించారు. శనివారం 84,014 మంది భక్తులు స్వామివారిని దర్శించుకోగా 30,116 మంది తలనీలాలు సమర్పించుకున్నారు. భక్తులు సమర్పించుకున్న కానుకల వల్ల హుండీకి రూ. 4.28 కోట్లు ఆదాయం వచ్చిందని వివరించారు. 4.08 లక్షల లడ్డూలను విక్రయించామని, 2.08 లక్షల మందికి అన్నప్రసాదం అందించామని తెలిపారు.
Comments (0)