పెళ్లయిన తెల్లారే కొత్త పెళ్లికూతురికి ప్రసవం.. షాక్లో పెళ్లికొడుకు

వివాహబంధంతో కొత్త జీవితంలోకి అడుగుపెట్టిన ఆ యువకుడికి తెల్లవారేసరికి ఊహించని షాక్ ఎదురైంది. పెళ్లయిన తెల్లారే కొత్త పెళ్లికూతురికి ప్రసవం కావడంతో వరుడితో పాటు కుటుంబసభ్యులంతా షాక్కు గురయ్యారు. తమిళనాడులోని తిరునెల్వేలిలో జరిగిన ఈ ఘటన స్థానికంగా కలకలం రేపింది.
తిరునెల్వేలి సమీపంలోని అరియకుళం ప్రాంతానికి చెందిన వెంకటేశ్ (25) వృత్తిరీత్యా తాపీ మేస్త్రీ. అతడికి ఏరాన్కుడిపాలం ప్రాంతానికి చెందిన పిచ్చమ్మాళ్తో పెద్దల సమక్షంలో వివాహం జరిగింది. జూన్ 29న నిశ్చితార్థం జరగగా.. నవంబరు 13న పెళ్లి జరిగింది. పెళ్లి తర్వాత మరుసటి రోజు తెల్లవారుజామున పిచ్చమ్మాళ్కు తీవ్రమైన కడుపునొప్పి, రక్తస్రావం మొదలైంది. దీంతో ఆందోళన చెందిన వెంకటేశ్, అతడి సోదరి ఆమెను చికిత్స కోసం ప్రైవేటు ఆసుపత్రికి తీసుకెళ్లారు.
మరోవైపు అనుమానం వచ్చిన వెంకటేశ్ కుటుంబసభ్యులు బాత్రూమ్కు వెళ్లి చూడగా.. అక్కడ చనిపోయిన శిశువు కనిపించింది. అది చూసి దిగ్భ్రాంతికి గురైన వెంకటేశ్ కుటుంబసభ్యులు వెంటనే విషయాన్ని వెంకటేశ్కు చెప్పారు. అలాగే శిశువును తిరునెల్వేలి ప్రభుత్వ ఆస్పత్రికి తరలించారు. అక్కడ శిశువు మృతదేహానికి పోస్టుమార్టం నిర్వహించినట్లు సమాచారం.
పెళ్లికి ముందే గర్భం దాల్చిందన్న విషయాన్ని దాచిపెట్టి , మోసం చేసి పెళ్లి చేశాడని వెంకటేశ్ పోలీసులకు ఫిర్యాదు చేశాడు. తన భార్య, ఆమె కుటుంబసభ్యులపై చర్యలు తీసుకోవాలని కోరాడు. వెంకటేశ్ ఫిర్యాుద మేరకు నమ్మకద్రోహం, గర్భస్రావంపై సంబంధిత సెక్షన్ల కింద కేసు నమోదు చేసి దర్యాప్తు చేపట్టారు. అయితే పిచ్చామ్మాళ్ పెళ్లికి ముందే మరొకరిని ప్రేమించిందని.. అతని వల్లే గర్భం దాల్చిందని తెలిసింది. ప్రస్తుతం పిచ్చామ్మాళ్కు ఏడు నెలల గర్భమని.. అయితే అబార్షన్ కోసం మాత్రలు వాడటం వల్లే ఇలా జరిగి ఉంటుందని భావిస్తున్నారు.
Comments (0)