Vijay Antony | ‘నాన్నకుట్టి’ సినిమా ప్రమోషన్స్ కోసం జనరల్ బోగీలో ప్రయాణించిన విజయ్ ఆంటోనీ.. నెట్టింట వైరల్!

Vijay Antony | నటుడు, సంగీత దర్శకుడు విజయ్ ఆంటోనీ తన సింప్లిసిటీతో మరోసారి అభిమానులు, నెటిజన్ల దృష్టిని ఆకర్షిస్తున్నారు. ఇటీవల విడుదలైన తన తాజా చిత్రం ‘అప్పాకుట్టి’ (తెలుగులో నాన్నకుట్టి) ప్రమోషన్స్లో భాగంగా ఆయన వినూత్న మార్గాన్ని ఎంచుకున్నారు. ఎలాంటి హంగూ ఆర్భాటాలు లేకుండా సాధారణ వ్యక్తిలా రైలు జనరల్ (అన్రిజర్వ్డ్) కంపార్ట్మెంట్లో ప్రయాణిస్తూ అందరినీ ఆశ్చర్యపరిచారు.
చెన్నై నుంచి కోయంబత్తూర్ బయలుదేరే కోవై ఎక్స్ప్రెస్ జనరల్ బోగీలో విజయ్ ఆంటోనీ తన టీంతో కలిసి ప్రయాణించారు. ప్రయాణ సమయంలో తోటి ప్రయాణికులతో సరదాగా ముచ్చటిస్తూ, తన సినిమా విశేషాలను వారితో పంచుకున్నారు. రైలులో విజయ్ ఆంటోనీని చూసిన ప్రయాణికులు ఆనందంతో ఆయనతో ఫొటోలు, సెల్ఫీలు దిగేందుకు ఆసక్తి చూపారు.
ము మారన్ దర్శకత్వంలో తెరకెక్కిన ‘అప్పాకుట్టి’ చిత్రంలో విజయ్ ఆంటోనీతో పాటు ప్రీతి అస్రానీ ప్రధాన పాత్రల్లో నటించారు. తండ్రి-కూతుళ్ల అనుబంధం నేపథ్యంలో రూపొందిన ఈ సినిమా నవంబర్ 20న ప్రపంచవ్యాప్తంగా ప్రేక్షకుల ముందుకు వచ్చింది. సినిమాను మరింత మంది ప్రజల్లోకి తీసుకెళ్లేందుకు ఆయన చేసిన ఈ ప్రయాణంలోని దృశ్యాలు ప్రస్తుతం సోషల్ మీడియాలో విస్తృతంగా వైరల్ అవుతున్నాయి. ఈ రైలు ప్రయాణంలో తనకెదురైన అనుభవాలను, ప్రయాణికులతో జరిపిన సంభాషణలను ఒక ట్రావెల్ వ్లాగ్ రూపంలో చిత్రీకరించారని, త్వరలోనే దానిని సోషల్ మీడియాలో విడుదల చేయనున్నట్లు చిత్ర బృందం తెలిపింది.
తన సినిమా ప్రమోషన్స్ కోసం రైలు జనరల్ కంపార్ట్మెంట్లో ప్రయాణించిన హీరో #VijayAntony !
సింప్లిసిటీతో అందరి దృష్టిని ఆకర్షిస్తున్న విజయ్ ఆంటోనీ!
#AppaKutty #NannaKutty https://t.co/wztyOROqZj
— Sai Satish (@PROSaiSatish) November 22, 2026

Comments (0)