మండల స్థాయి ఆంగ్ల పోటీల్లో జూలూరుపాడు జడ్పీహెచ్ఎస్ విద్యార్థుల ప్రతిభ

జూలూరుపాడు, నవంబర్ 21 : ఇంగ్లీష్ లాంగ్వేజ్ టీచర్స్ అసోసియేషన్ (ఎల్టా) ఫోరం ఆధ్వర్యంలో శనివారం జూలూరుపాడు జిల్లా పరిషత్ ఉన్నత పాఠశాలలో మండల స్థాయి ఆంగ్ల ఉపన్యాస, రాత పోటీలను నిర్వహించారు. పాఠశాల హెచ్ఎం టి.లక్ష్మీనరసయ్య ఆధ్వర్యంలో జరిగిన ఈ పోటీల్లో మండలంలోని వివిధ పాఠశాలల విద్యార్థులు పాల్గొని తమ ప్రతిభను చాటారు. ఉపన్యాస పోటీల సీనియర్ విభాగంలో కాసర్ల చాణక్య 9వ తరగతి, జడ్పీహెచ్ఎస్ జూలూరుపాడు, ప్రథమ, ఎం.ఎం.బిందుశ్రీ జడ్పీహెచ్ఎస్ కాకర్ల ద్వితీయ స్థానాల్లో నిలిచారు. జూనియర్ విభాగంలో ఎస్కే గౌస్య జడ్పీహెచ్ఎస్ జూలూరుపాడు ప్రథమ, పి.సాంబశివ జడ్పీహెచ్ఎస్ పాపకొల్లు ద్వితీయ బహుమతులు సాధించారు.

మండల స్థాయి ఆంగ్ల పోటీల్లో జూలూరుపాడు జaడ్పీహెచ్ఎస్ విద్యార్థుల ప్రతిభ
రాత పోటీల సీనియర్ విభాగంలో ఎం. సాత్విక్ పీఎంశ్రీ జడ్పీహెచ్ఎస్ పాపకొల్లు ప్రథమ, దక్షయశ్రీ జడ్పీహెచ్ఎస్ కాకర్ల ద్వితీయ స్థానాలు దక్కించుకున్నారు. జూనియర్ విభాగంలో నండ్రు విశ్వసన్ని జడ్పీహెచ్ఎస్ జూలూరుపాడు ప్రథమ, షణ్ముఖ పీఎంశ్రీ జడ్పీహెచ్ఎస్ పాపకొల్లు ద్వితీయ స్థానంలో నిలిచారు. అనంతరం విజేతలకు నిర్వాహకులు బహుమతులు ప్రదానం చేశారు. మండల స్థాయిలో గెలుపొందిన విద్యార్థులు ఈ నెలాఖరులో జరగనున్న జిల్లా స్థాయి ఎల్టా పోటీల్లో పాల్గొంటారని వారు తెలిపారు. ఈ కార్యక్రమంలో ఎల్టా ఫోరం మండల కన్వీనర్ కె.రవికుమార్, కో-కన్వీనర్ నండ్రు గురుమూర్తి, ఫోరం సభ్యులు ఎస్కే కాజామియా, బానోత్ సునీత, టి.సాల్మన్ రాజు, సీతారాములు పాల్గొన్నారు.
Comments (0)