గొర్రెలకు మేతగా పత్తి పంట
వేంసూరు, నవంబర్‌ 13 : పంట చేతికొచ్చే దశలో ఎండిపోవడంతో పశువుల మేతకు వదిలిపెట్టిన పరిస్థితి ఖమ్మం జిల్లా వేంసూరు మండలంలో చోటుచేసుకున్నది. చిన్నమల్యాలలో ఓ రైతు పత్తి పంట సాగు చేశాడు. వర్షాలు కురువకపోవడంతో పూత, కాత దశలో పంట ఎండిపోయింది.
కళ్లముందు ఎండిపోతున్న పంటను చూసి కలత చెందిన రైతు పశువుల మేతకు వదిలేయాల్సిన దుస్థితి నెలకొన్నది. కొందరు ఆయా పంట చేలల్లో పశువులు, గొర్రెలు, మేకలను మేపుతున్నారు. విద్యుత్తు, నీటి సదుపాయం లేకపోవడంతో పెట్టుబడులు కూడా రావడం లేదని రైతులు వాపోతున్నారు. పంటకు ప్రభుత్వమే పరిహారం అందించి ఆదుకోవాలని కోరుతున్నారు.
Comments (0)