అర్జున అందుకున్న ధనుష్‌ శ్రీకాంత్‌
న్యూఢిల్లీ: తెలంగాణ షూటర్‌ ధనుష్‌ శ్రీకాంత్‌ ప్రతిష్టాత్మక క్రీడా పురస్కారం అర్జున అవార్డు అందుకున్నాడు. రాష్ట్రపతి భవన్‌లో శుక్రవారం జరిగిన ప్రత్యేక కార్యక్రమంలో రాష్ట్రపతి ద్రౌపది ముర్ము 2026 జాతీయ క్రీడా పురస్కారాలను విజేతలకు ప్రదానం చేశారు. శ్రీకాంత్‌ (డెఫ్‌ షూటింగ్‌) సహా మొత్తం 17 మంది క్రీడాకారులు ప్రతిష్టాత్మక అర్జున అవార్డులకు ఎంపికయ్యారు.
2014 తర్వాత తొలిసారిగా మేజర్‌ ధ్యాన్‌ చంద్‌ ఖేల్‌ రత్న పురస్కారం ఎవరికీ ప్రకటించకుండానే ఈ వేడుకను నిర్వహించడం గమనార్హం. అర్జున అవార్డు అందుకున్న వారిలో తేజస్విన్‌ శంకర్‌ (అథ్లెటిక్స్‌), దివ్య దేశ్‌ముఖ్‌, విదిత్‌ గుజరాతీ (చెస్‌), ట్రీసా జాలీ (బ్యాడ్మింటన్‌), నరేందర్‌ (బాక్సింగ్‌) తదితరులు ఉన్నారు.
Comments (0)