‘కిస్నా’ షోరూమ్‌లో 10 కోట్ల విలువైన నగల చోరీ
భోపాల్‌: మధ్యప్రదేశ్‌లోని కట్నీ జిల్లాలో దొంగలు రూ.10 కోట్ల విలువైన బంగారు నగలను చోరీ చేశారు. గురువారం తెల్లవారుజామున దుండగులు కట్నీ నగరంలోని కిస్నా బంగారు నగల షోరూమ్‌ వెనక గోడకు గ్యాస్‌ కట్టర్‌తో రంధ్రం చేసి లోపలికి ప్రవేశించారు. బంగారు, వజ్రాల ఆభరణాలను భద్రపరిచే సేఫ్‌లను కట్‌ చేసి అందులోని రూ.10 కోట్ల విలువైన నగలను దోచుకెళ్లారు.
ఈ చోరీలో ఆరుగురు దొంగలు పాల్గొన్నట్టు పోలీసులు అనుమానిస్తున్నారు. నిందితుల ఆచూకీ కోసం సీసీటీవీ ఫుటేజీని పరిశీలిస్తున్నారు. దీపావళి నేపథ్యంలో తన షాపులో ఎక్కువ నగలు ఉంచినట్టు షోరూమ్‌ యజమాని వాపోయారు. ఇటీవల మధురైలో తనిష్క్‌ నగల దుకాణంలో కూడా ఇదే తరహా దొంగతనం జరిగింది.
Comments (0)