హోంశాఖ వెబ్సైట్ హ్యాక్.. 14 ఏండ్ల బాలుడి అరెస్ట్!

- 2,500 మంది అగ్నివీరుల డాటా డార్క్వెబ్లో అమ్మకానికి!
న్యూఢిల్లీ: కేంద్ర హోంశాఖకు చెందిన మాజీ అగ్నివీరుల కెరీర్ ప్రోగ్రెషన్ పోర్టల్ను ఓ బాలుడు(14) హ్యాక్ చేసినట్లు ఆరోపణలు వచ్చాయి. వెబ్సైట్లోని కీలక సమాచారాన్ని సేకరించి డార్క్వెబ్లో విక్రయించేందుకు ప్రయత్నించగా, ఢిల్లీ పోలీసులు అతడిని అదుపులోకి తీసుకున్నారు. సెప్టెంబరులో డార్క్వెబ్పై నిఘా పెట్టిన పోలీసుల ప్రత్యేక విభాగానికి ఈ వ్యవహారం తెలిసింది. పోర్టల్ అడ్మిన్ లాగిన్ వివరాలను విక్రయిస్తామంటూ ఓ ఖాతాలో ప్రకటన కనిపించింది.
సుమారు 47 ప్రభుత్వ విభాగాలకు చెందిన 2,500 మందికి పైగా అగ్నివీరుల రికార్డులు తన వద్ద ఉన్నట్టు ఆ బాలుడు పేర్కొన్నాడు. ఏపీఐ డీక్రిప్షన్ కీ, ఎస్ఎస్ఓ వివరాలు, బ్యాక్ఎండ్ రూట్ మ్యాప్తోపాటు అడ్మిన్ ప్యానెల్లోని వివిధ విభాగాలకు పూర్తి యాక్సెస్ కల్పిస్తానని తెలిపాడు. ఇందుకు 500 డాలర్ల క్రిప్టోకరెన్సీ ధరగా నిర్ణయించాడు. కొనుగోలుదారుల కోసం డిస్కార్డ్, టెలిగ్రామ్ వివరాలనూ ఇచ్చాడు.
Comments (0)