పన్నూన్‌ హత్యకు కుట్ర.. నిఖిల్‌ గుప్తాకు 19 ఏండ్ల జైలు!

21 November 2026 - 03:00
0 0
పన్నూన్‌ హత్యకు కుట్ర.. నిఖిల్‌ గుప్తాకు 19 ఏండ్ల జైలు!
Us
  • అమెరికా కోర్టు తీర్పు

న్యూయార్క్‌: ఖలిస్థానీ వేర్పాటువాది గురుపత్వంత్‌ సింగ్‌ పన్నూన్‌ హత్యకు కుట్ర పన్నిన కేసులో భారతీయుడు నిఖిల్‌ గుప్తాకు అమెరికా కోర్టు 19 ఏండ్లకుపైగా జైలు శిక్ష విధించింది. శుక్రవారం ఫెడరల్‌ న్యాయమూర్తి ఈ మేరకు తీర్పు ఇచ్చినట్లు పీటీఐ తెలిపింది. 55 ఏండ్ల గుప్తా ఈ ఏడాది ప్రారంభంలో హత్యకు కిరాయి ఒప్పందం, హత్యకు కుట్ర, నగదు అక్రమ చలామణీకి కుట్ర వంటి అభియోగాలను అంగీకరించారు.

న్యూయార్క్‌లో పన్నూన్‌ను హత్య చేసేందుకు ప్రయత్నించినట్లు ఆయనపై ఆరోపణలున్నాయి. పన్నూన్‌కు అమెరికా, కెనడా ద్వంద్వ పౌరసత్వం ఉంది. గుప్తాకు 24 ఏండ్ల జైలు శిక్ష విధించాలని అమెరికా ప్రభుత్వం కోరింది. అమెరికా గడ్డపై ఆ దేశ పౌరుడిని హత్య చేసేందుకు జరిగిన విదేశీ కుట్రలో గుప్తా కీలక పాత్ర పోషించారని కోర్టుకు సమర్పించిన నివేదికలో పేర్కొంది.

Comments (0)

User