ముస్తఫా ఖాన్‌కు 6 స్వర్ణాలు
హైదరాబాద్‌, ఆట ప్రతినిధి: హైదరాబాద్‌ మార్షల్‌ ఆర్ట్స్‌ క్రీడాకారుడు ఘులామ్‌ ముస్తఫా ఖాన్‌ అంతర్జాతీయ వేదికపై మెరిశాడు. న్యూ ఇంగ్లండ్‌ ఇంటర్నేషనల్‌ చైనీస్‌ మార్షల్‌ ఆర్ట్స్‌ చాంపియన్‌షిప్‌లో ఆరు పసిడి పతకాలు సొంతం చేసుకున్నాడు.
మాంచెస్టర్‌ లోని కనెక్టికట్‌ వేదికగా జరిగిన ఈ టోర్నీలో ముస్తఫా బ్రాడ్‌ స్వోర్డ్‌, స్పియర్‌ ఫామ్‌, సాండా, గ్రూప్‌ బ్రాడ్‌ స్వోర్డ్‌ లాంగ్‌ ఫిస్ట్‌ ఫామ్‌, ఫిఫ్త్‌ దువాన్‌ లాంగ్‌ ఫిస్ట్‌ విభాగాల్లో విజేతగా నిలిచి సత్తా చాటాడు. మలీ స్కూల్‌ ఆఫ్‌ తైచి వుషూ-కుంగ్‌ఫూ సంస్థకు ప్రాతినిధ్యం వహించిన ముస్తఫా తన 11 ఏండ్ల వుషు అనుభవంతో పోటీలలో జడ్జిగా వ్యవహరిస్తూనే బరిలోకి దిగి ఈ ఘనత సాధించాడు.
Comments (0)