ప్రతి ఇంటా ఉసిరి.. ప్రతి గుడిలో బిల్వం

• గ్రీన్‌ ఇండియా చాలెంజ్‌ సరికొత్త హరిత సంకల్పం
• కార్త్తిక మాసంలో పర్యావరణ పరిరక్షణతో భక్తి భావన
• తన నివాసంలో మొకలు నాటి ప్రారంభించిన మాజీ ఎంపీ సంతోష్‌కుమార్‌

హైదరాబాద్‌, నవంబర్‌ 11 (నమస్తే తెలంగాణ): పవిత్ర కార్త్తిక మాసాన్ని పురసరించుకొని గ్రీన్‌ ఇండియా చాలెంజ్‌ మరో బృహత్తర కార్యక్రమానికి శ్రీకారం చుట్టింది. సమాజంలో భక్తితోపాటు ఆరోగ్యం, పర్యావరణ పరిరక్షణను పెంపొందించే ఉద్దేశంతో ‘ప్రతి ఇంటా ఉసిరి.. ప్రతి గుడిలో బిల్వం’ అనే సరికొత్త హరిత సంకల్పాన్ని చేపట్టింది. ఇందులో భాగంగా గ్రీన్‌ ఇండియా చాలెంజ్‌ వ్యవస్థాపకుడు, మాజీ ఎంపీ సంతోష్‌కుమార్‌ తన నివాసంలో ఉసిరి, బిల్వ మొకలను నాటి లాంఛనంగా ప్రారంభించారు.

బుధవారం నుంచి గ్రామాల వారీగా ఇండ్లు, దేవాలయాలు, పాఠశాలలకు ఈ మొకలను విసృ్తతంగా పంపిణీ చేస్తున్నట్టు తెలిపారు. భారతీయ సంస్కృతి, ఆధ్యాత్మిక సంప్రదాయాల్లో ఉసిరి, బిల్వ వృక్షాలకు అత్యున్నత స్థానం ఉన్నది. కార్త్తిక మాసంలో శివ కేశవుల ఆరాధనకు విశేష ప్రాధాన్యత ఉన్నది. విష్ణువుకు ప్రీతికరమైన ఉసిరిని, శివునికి ప్రీతిపాత్రమైన బిల్వాన్ని పూజించడం వల్ల సకల దోషాలు తొలగి ఐష్టెశ్వర్యాలు కలుగుతాయని పురాణాలు చెప్తున్నాయి. దశమి, ఏకాదశి, పౌర్ణమి తిథుల్లో ఉసిరి దీపాలు వెలిగించడం, కార్త్తిక వనభోజనాలు చేయడం ఆయురారోగ్యాలతోపాటు సమాజంలో ప్రేమానురాగాలను పెంచుతాయని విశ్వసిస్తారు. ఈ ఆధ్యాత్మిక ప్రాశస్త్యాన్ని ఆధునిక పర్యావరణ పరిరక్షణతో మేళవిస్తూ ప్రజలను ఇందులో భాగస్వాములను చేస్తున్నారు.

వృక్షాలకు మూలవిరాట్లతో సమానమైన పవిత్రత

వృక్షాలు మానవాళి మనుగడకు ప్రాణాధారమని, ఆలయాల్లోని మూలవిరాట్లతో సమానమైన పవిత్రతను కలిగి ఉంటాయని సంతోష్‌కుమార్‌ పేరొన్నారు. అష్టాదశ పురాణాల్లో విశిష్టత పొందిన ఇలాంటి దివ్య వృక్షాలను పెంచి సంరక్షించి భావితరాలకు అందించాల్సిన బాధ్యత అందరిపై ఉన్నదని చెప్పారు. ఆధ్యాత్మిక హితం, శ్రేయస్సు, ఆరోగ్య సంరక్షణ ధ్యేయంగా ప్రారంభించిన ఈ ఉద్యమంలో ప్రతి ఒకరూ పాల్గొని, ఇండ్లలో ఉసిరి, ఆలయాల్లో బిల్వ మొకలు నాటాలని, ఈ కార్త్తిక మాసాన్ని పర్యావరణ సంరక్షణ మాసంగా మార్చాలని విజ్ఞప్తి చేశారు.

2018లో ప్రారంభమైన గ్రీన్‌ ఇండియా చాలెంజ్‌ ఉద్యమం ఇప్పటికే దేశవ్యాప్తంగా కోట్లాది మొకలు నాటి పచ్చదనాన్ని పెంపొందించింది. 2031 అక్టోబర్‌ 15న మాజీ రాష్ట్రపతి డాక్టర్‌ ఏపీజే అబ్దుల్‌ కలాం శతజయంతి నాటికి 100 కోట్ల మొకలు నాటడమే లక్ష్యంగా ఇది ముమ్మరంగా కొనసాగుతున్నది. తెలంగాణతోపాటు అసోంలో కోటి మొకలు, సుందర్‌బన్స్‌ మడ అడవుల పునరుద్ధరణ, గోదావరి పరీవాహక ప్రాంతంలో 99 లక్షల మొకల పెంపకం వంటి ఎన్నో మైలురాళ్లను అధిగమించింది. పర్యావరణ పరిరక్షణలో అంతర్జాతీయ గుర్తింపు పొందిన ఈ సంస్థ కృషికిగాను బ్రిటన్‌ పార్లమెంట్‌ ప్రశంసలతోపాటు సంతోష్‌కుమార్‌కు ‘గ్లోబల్‌ గ్రీన్‌ ఐకాన్‌’ అవార్డు దకిన విషయం తెలిసిందే.