అసోసియేట్‌ ప్రొఫెసర్‌ పోస్టుల భర్తీకి లైన్‌ క్లియర్‌
హైదరాబాద్‌, నవంబర్‌ 11 (నమస్తే తెలంగాణ): రాష్ట్రంలోని యూనివర్సిటీల్లో ఖాళీగా ఉన్న అసిస్టెంట్‌ ప్రొఫెసర్‌ పోస్టులతోపాటే అసోసియేట్‌ పోస్టులను భర్తీ చేసేందుకు ప్రభుత్వం అనుమతిచ్చింది. బుధవారం సీఎం రేవంత్‌రెడ్డి విద్యాశాఖపై నిర్వహించిన సమావేశంలో ఉన్నత విద్యామండలి చైర్మన్‌ ప్రొఫెసర్‌ వీ బాలకిష్టారెడ్డి అసొసియేట్‌ పోస్టులు భర్తీ చేయాలన్న అంశాన్ని లేవనెత్తగా సీఎం పచ్చజెండా ఊపారు.
దీంతో రాష్ట్రంలో 900 పైగా అసోసియేట్‌ ప్రొఫెసర్‌ పోస్టుల భర్తీకి లైన్‌ క్లియర్‌ అయ్యింది. అసిస్టెంట్‌ ప్రొఫెసర్‌ పోస్టులకు డిసెంబర్‌ 1న నోటిఫికేషన్‌ విడుదల చేస్తామని బాలకిష్టారెడ్డి తెలిపారు. ఏప్రిల్‌ 30న నియామకపత్రాలు అందజేసేలా ప్రత్యేక షెడ్యూల్‌ రూపొందించినట్టు చెప్పారు.
Comments (0)