‘స్పెక్ట్రా’ కేసులోకౌంటర్ల దాఖలుకు హైకోర్టు ఆదేశం

హైదరాబాద్‌, నవంబర్‌ 11 (నమస్తే తెలంగాణ): మల్టీలెవల్‌ మారెటింగ్‌, రియల్‌ ఎస్టేట్‌ వ్యాపారాల పేరుతో స్పెక్ట్రా గ్రూపు కంపెనీలు మోసాలకు పాల్పడుతున్నాయని ఆరోపిస్తూ ది రైట్‌ సొసైటీ దాఖలు చేసిన ప్రజాహిత వ్యాజ్యంపై బుధవారం హైకోర్టు విచారణ జరిపింది. స్పెక్ట్రా గ్రూపు సంస్థలు లేఅవుట్‌, రెరా అనుమతులు పొందకుండానే హెచ్‌ఎండీఏ నిబంధనలకు విరుద్ధంగా ప్లాట్ల విక్రయాలు చేపట్టడంతో కొనుగోలుదారులు నష్టపోతున్నారని పిటిషనర్‌ తరఫు న్యాయవాది కోర్టుకు నివేదించారు.

ప్రజలతోపాటు ప్రభుత్వ రంగ సంస్థ ఏపీఎస్‌ఎఫ్‌సీని కూడా స్పెక్ట్రా గ్రూపు తప్పుదోవ పట్టించిందని, కొన్ని ప్లాట్లను తనఖా పెట్టి రుణాలు పొందిందని పేరొన్నారు. వివాదాస్పద సర్వే నంబర్లలో ప్లాట్లు ఉన్నట్లు చూపినప్పటికీ అవి వాస్తవ లేఅవుట్‌లో కనిపించడం లేదని కోర్టు దృష్టికి తీసుకెళ్లారు. దీంతో ఈ వ్యవహారంపై స్పెక్ట్రా గ్రూపుతోపాటు రాష్ట్ర ప్రభుత్వం, ఇతర ప్రతివాదులు కౌంటర్లు దాఖలు చేయాలని హైకోర్టు తాత్కాలిక చీఫ్‌ జస్టిస్‌ పీ శ్యాంకోశీ, జస్టిస్‌ సుద్దాల చలపతిరావు ధర్మాసనం ఆదేశించింది.