నైతిక విలువలతో సేవలందించాలి

• కిమ్స్‌ నర్సింగ్‌ కాలేజీ గ్రాడ్యుయేషన్‌ డే వేడుకల్లో సీఎండీ డాక్టర్‌ భాస్కర్‌రావు

బేగంపేట, నవంబర్‌ 11: నర్సింగ్‌ వృత్తి వైద్యరంగానికి గుండె లాంటిదని, నర్సింగ్‌ అధికారులు వైద్యులకు ఏమాత్రం తీసిపోరని కిమ్స్‌ హాస్పిటల్స్‌ సీఎండీ డాక్టర్‌ భాస్కర్‌రావు పేర్కొన్నారు. బుధవారం కిమ్స్‌ నర్సింగ్‌ కాలేజీ ఆధ్వర్యంలో జరిగిన బీఎస్సీ నర్సింగ్‌ 14, 15, 16వ బ్యాచ్‌ విద్యార్థుల గ్రాడ్యుయేషన్‌ డే వేడుకల్లో ఆయన ముఖ్య అతిథిగా మాట్లాడుతూ.. నర్సింగ్‌ అధికారులకు వృత్తిపరమైన నైపుణ్యంతోపాటు నైతిక విలువలు, సేవా భావం, రోగుట పట్ల మానవీయ దృక్పథం ఎంతో అవసరమని స్పష్టం చేశారు.

అనంతరం నర్సింగ్‌ విద్యార్థులకు పట్టాలు అందచేసి, శుభాకాంక్షలు తెలిపారు. కార్యక్రమంలో తెలంగాణ స్టేట్‌ నర్సింగ్‌ అండ్‌ మిడ్‌వైవ్స్‌ కౌన్సిల్‌ డీడీఎస్‌ నర్సింగ్‌ ఇంచార్జి రిజిస్ట్రార్‌ డాక్టర్‌ బీ విద్యుల్లత, కిమ్స్‌ హాస్పిటల్స్‌ డీఎంఈ అకడమిక్స్‌ ప్రొఫెసర్‌ ఎస్‌ మణిమాలరావు, కిమ్స్‌ ఎడ్యుకేషనల్‌ సొసైటీ అధ్యక్షురాలు డాక్టర్‌ చేబ్రోలు హరిణి, కిమ్స్‌ నర్సింగ్‌ కాలేజీ ప్రిన్సిపాల్‌ డాక్టర్‌ రెడ్డి రాణి పాల్గొన్నారు.