గ్రామాల అభివృద్ధికి నిరంతర కృషి : ఎమ్మెల్యే కూనంనేని

– రూ.79.50 లక్షల పనులకు శంకుస్థాపనలు, ప్రారంభోత్సవాలు
చుంచుపల్లి, నవంబర్ 21 : గ్రామాలు, బస్తీలు, కాలనీల్లో మౌలిక వసతుల కల్పనే లక్ష్యంగా ప్రజల అవసరాలకు అనుగుణంగా అభివృద్ధి పనులు చేపడుతున్నామని కొత్తగూడెం ఎమ్మెల్యే కూనంనేని సాంబశివరావు అన్నారు. శనివారం చుంచుపల్లి మండలంలోని బాబు క్యాంప్, ఎన్కే నగర్ గ్రామాల్లో రూ.79.50 లక్షల విలువైన అభివృద్ధి పనులకు శంకుస్థాపనలు, ప్రారంభోత్సవాలు నిర్వహించారు. ఇందులో భాగంగా బాబు క్యాంప్లో రూ.43 లక్షలతో 8 సీసీ రోడ్లు, డ్రైన్ల నిర్మాణం, రూ.10 లక్షలతో వీఓ భవన నిర్మాణానికి భూమిపూజ చేశారు. అలాగే మినీ వాటర్ స్కీమ్, సీసీ రోడ్డు, రిటైనింగ్ వాల్ పనులను ప్రారంభించారు. గ్రామాల్లో తాగునీరు, రహదారుల సమస్యల పరిష్కారానికి ప్రాధాన్యమిస్తున్నామని, మహిళా సంఘాల బలోపేతానికి, పేదల సంక్షేమానికి కృషి చేస్తామని ఎమ్మెల్యే తెలిపారు. ఈ కార్యక్రమంలో సీపీఐ జిల్లా కార్యదర్శి ఎస్కే సాబీర్ పాషా, మేయర్ మూడ్ గణేష్, డీపీఓ బి.అనూష, ఎంపీడీఓ శుభాషిణి, స్థానిక ప్రజాప్రతినిధులు, అధికారులు, నాయకులు పాల్గొన్నారు.

గ్రామాల అభివృద్ధికి నిరంతర కృషి : ఎమ్మెల్యే కూనంనేని
ఆపదలో ఉన్న కుటుంబాలకు బీమా రక్ష
ఆపద సమయంలో పేద కుటుంబాలకు జీవిత బీమా పథకం ఆర్థిక భరోసాగా నిలుస్తుందని ఎమ్మెల్యే కూనంనేని అన్నారు. శనివారం చుంచుపల్లి మండలం బాబు క్యాంప్లో రాష్ట్ర ప్రభుత్వం ప్రవేశపెట్టిన ఇందిరమ్మ కుటుంబ జీవిత బీమా పథకం నమోదు ప్రక్రియను ఆయన ప్రారంభించారు. ఈ సందర్భంగా మాట్లాడుతూ కుటుంబ పెద్దను కోల్పోయిన నిరుపేద కుటుంబాలకు ఆర్థిక భరోసా కల్పించడమే పథకం లక్ష్యమన్నారు. అర్హులందరూ పథకంలో నమోదు చేసుకునేలా అధికారులు క్షేత్రస్థాయిలో అవగాహన కల్పించాలని, నమోదు ప్రక్రియను వేగవంతం చేసి పారదర్శకంగా అమలు చేయాలని సూచించారు.
Comments (0)