కోయిల్సాగర్ నీటిని కొడంగల్కు తరలిస్తే సహించేది లేదు : మాజీ ఎమ్మెల్యే రాజేందర్ రెడ్డి

Koilsagar | కోయిల్సాగర్ నీటిని కొడంగల్కు తరలిస్తే సహించేది లేదు అని మాజీ ఎమ్మెల్యే ఎస్. రాజేందర్ రెడ్డి హెచ్చరించారు. ముఖ్యమంత్రి రేవంత్రెడ్డి సొంత నియోజకవర్గం వికారాబాద్ జిల్లాలోని కొడంగల్ కోసం రెండు జిల్లాల్లో నీళ్ల చిచ్చుపెట్టారు. కొడంగల్ నియోజకవర్గానికి తాగునీటి అవసరాల కోసం ఏకంగా రూ.490 కోట్లతో ప్రత్యేక పైప్లైన్ కోసం గుట్టుగా పరిపాలన అనుమతులు మంజూరు కావడం పాలమూరు జిల్లా లో ప్రకంపనలు సృష్టిస్తున్నది.
ఈ నేపథ్యంలో ఆదివారం ఆయన మీడియా సమావేశంలో రాజేందర్ రెడ్డి మాట్లాడారు. నారాయణపేట, దేవరకద్ర రైతుల ప్రయోజనాలను దెబ్బతీయొద్దన్నారు. మూడు రోజుల్లో నీటి తరలింపు ప్రక్రియను నిలిపివేస్తున్నట్లు ప్రకటించాలి. లేదంటే రైతులతో కలిసి పెద్ద ఎత్తున ఉద్యమిస్తామన్నారు.
Comments (0)