Road accident | వేగంగా దూసుకెళ్తూ ట్రెయిల‌ర్‌ను ఢీకొట్టిన కారు.. ఏడుగురు దుర్మ‌ర‌ణం..!

22 November 2026 - 20:00
0 0
Road accident | వేగంగా దూసుకెళ్తూ ట్రెయిల‌ర్‌ను ఢీకొట్టిన కారు.. ఏడుగురు దుర్మ‌ర‌ణం..!
Road Accident

Road accident : గుజరాత్ (Gujarat) లో ఘోర రోడ్డు ప్రమాదం (Road accident) జ‌రిగింది. కచ్ జిల్లా (Katch District) లో జరిగిన ఈ దుర్ఘటనలో ఏడుగురు ప్రాణాలు కోల్పోయారు. మృతుల్లో ఇద్దరు మహిళలు, ముగ్గురు చిన్నారులు ఉన్నారు. భుజ్‌-ఖావ్డా (Bhuj-Khawda) జాతీయ రహదారిపై ఈ ప్రమాదం జరిగింది. వివరాల్లోకి వెళ్తే.. కచ్ జిల్లాలోని వెకారియా రణ్ సమీపంలో వేగంగా వెళ్తున్న కారు ఎదురుగా వచ్చిన ట్రెయిల‌ర్‌ ట్రక్కును ఢీకొట్టింది.

ఆ త‌ర్వాత ప‌లు ప‌ల్టీలు కొట్టి ఆగిపోయింది. ఈ ఘ‌ట‌న‌లో కారు నుజ్జునుజ్జయింది. ప్రమాద తీవ్రత కారణంగా ఏడుగురు అక్కడికక్కడే మరణించారు. మృతుల్లో ముగ్గురు చిన్నారులు ఉండటంతో స్థానికంగా విషాదం నెలకొన్న‌ది. ప్రమాదానికి గురైన వారిలో ఉత్తరాఖండ్‌కు చెందిన ఓ ఆర్మీ జవాన్ కుటుంబసభ్యులు, వారి బంధువులు ఉన్నట్లు తెలుస్తున్న‌ది. సదరు జవాన్ భుజ్‌లో విధులు నిర్వహిస్తున్నాడు. అయితే మృతుల వివరాలు, ప్ర‌మాదానికిగ‌ల కార‌ణాలు తెలియాల్సి ఉంది.

Comments (0)

User