సెమీస్‌కు సేన్‌.. శ్రీకాంత్‌ ఔట్‌
కుమమొటో: జపాన్‌ సూపర్‌ 500 బ్యాడ్మింటన్‌ టోర్నీలో భారత స్టార్ షట్లర్‌ లక్ష్య సేన్‌ సెమీఫైనల్‌కు దూసుకెళ్లగా.. సీనియర్‌ ఆటగాడు కిదాంబి శ్రీకాంత్‌ ఇంటిదారి పట్టాడు. శుక్రవారం జరిగిన పురుషుల సింగిల్స్‌ క్వార్టర్‌ ఫైనల్లో ప్రపంచ 13వ ర్యాంకర్‌ ఉన్న లక్ష్య 21-16, 21-15తో జపాన్‌ ఆటగాడు యుషి తనకాపై విజయం సాధించాడు. సెమీఫైనల్లో అతను ఇండోనేషియా షట్లర్‌, ఆరో సీడ్‌ అల్వీ ఫర్హాన్‌తో తలపడనున్నాడు. మరో క్వార్టర్‌ ఫైనల్లో 31వ ర్యాంకర్‌ శ్రీకాంత్‌ 22-24, 15-21తో జపాన్‌కు చెందిన ప్రపంచ 15వ ర్యాంకర్‌ కోకి వటానబే చేతిలో ఓడిపోయాడు.
Comments (0)