Thalasani Srinivas Yadav | బీఆర్‌ఎస్‌ హయాంలోనే మత్స్యరంగం అభివృద్ధి : మాజీమంత్రి తలసాని శ్రీనివాస్ యాదవ్

21 November 2026 - 16:30
0 0
Thalasani Srinivas Yadav | బీఆర్‌ఎస్‌ హయాంలోనే మత్స్యరంగం అభివృద్ధి : మాజీమంత్రి తలసాని శ్రీనివాస్ యాదవ్
Talasani

హైదరాబాద్‌ : బీఆర్‌ఎస్‌ ప్రభుత్వ హయాంలోనే మత్స్య ( Fisheries ) రంగం అభివృద్ధి జరిగిందని మాజీమంత్రి, బీఆర్‌ఎస్‌ డిప్యూటీ ప్లోర్ లీడర్ తలసాని శ్రీనివాస్ యాదవ్ ( Thalasani Srinivas Yadav)  అన్నారు. ప్రపంచ మత్స్య దినోత్సవం సందర్భంగా గోషామహల్ నియోజకవర్గ పరిధిలోని ఆఘా పురాలో నిర్వహించిన కార్యక్రమంలో ఆయన ముఖ్య అతిథిగా హాజరయ్యారు .

Talasani 01

ఈ సందర్భంగా ఆయన మాట్లాడుతూ కేసీఆర్ నాయకత్వంలో తెలంగాణ ప్రభుత్వం ఏర్పడిన తర్వాత రాష్ట్రంలోని నీటి వనరులను అభివృద్ధి చేసిన విషయాన్ని గుర్తు చేశారు. మత్స్య వృత్తిపై ఆధారపడిన లక్షలాది మంది మత్స్యకారుల కుటుంబాలకు మెరుగైన ఉపాధి అవకాశాలు కల్పించే లక్ష్యం తో కేసీఆర్ ప్రభుత్వం అనేక కార్యక్రమాలు అమలు చేసిందని తెలిపారు.

దేశంలో ఎక్కడా లేని విధంగా రాష్ట్రంలో ని అన్ని నీటి వనరులలో ఉచితంగా చేప పిల్లలు విడుదల చేసిన ఘనత కేసీఆర్ ప్రభుత్వానిదేనని పేర్కొన్నారు. అదేవిధంగా రొయ్య పిల్లలను కూడా ఉచితంగా పంపిణీ ,సబ్సిడీపై వివిధ రకాల వాహనాలు పంపిణీ చేసిన విషయాన్ని గుర్తు చేశారు. నాంపల్లి ఎగ్జిబిషన్ గ్రౌండ్ లో నిర్వహించే చేపమందు కోసం దేశంలోని వివిధ ప్రాంతాల నుండి లక్షలాది మంది వస్తారని, తమ ప్రభుత్వం అన్ని రకాల ఏర్పాట్లు చేసిన విషయాన్ని గుర్తు చేశారు. కార్యక్రమంలో ఎమ్మెల్సీ దాసోజు శ్రవణ్, ప్రొపెసర్ ఆఫ్రోజ్, నాయకులు ముఠా జయసింహ, నిర్వాహకులు మెట్టు శ్రీకాంత్, మెట్టు ప్రసాద్ తదితరులు పాల్గొన్నారు.

Comments (0)

User