AP News | న‌న్ను పెళ్లికి పిలిస్తే సొంత చెల్లిపైనే అడ్డ‌మైన రాత‌లా..? వైఎస్ జ‌గ‌న్‌పై చంద్ర‌బాబు ఫైర్‌

21 November 2026 - 16:30
0 0
AP News | న‌న్ను పెళ్లికి పిలిస్తే సొంత చెల్లిపైనే అడ్డ‌మైన రాత‌లా..? వైఎస్ జ‌గ‌న్‌పై చంద్ర‌బాబు ఫైర్‌
Chandrababu Naidu

AP News : త‌న‌ను పెళ్లికి పిలిస్తే మాజీ సీఎం వైఎస్ జ‌గ‌న్ త‌న సొంత చెల్లెలిపైనే అడ్డ‌మైన రాత‌లు రాయించాడ‌ని ఏపీ సీఎం చంద్ర‌బాబు మండిప‌డ్డారు. పెళ్లికి పిలువ‌డం కూడా త‌ప్పేనా అని ప్ర‌శ్నించారు. రాష్ట్రానికి ద్రోహం చేసేలా గొడ్డలి పార్టీ వ్యవహరిస్తున్న‌ద‌ని చంద్ర‌బాబు అన్నారు. పెట్టుబడులు తెస్తుంటే ఓర్వలేక తప్పుడు ప్రచారం చేస్తున్నారని విమ‌ర్శించారు. అధికారంలో ఉన్నా, ప్రతిపక్షంలో ఉన్నా విధ్వంసమే గొడ్డలి పార్టీ చరిత్ర అని వ్యాఖ్యానించారు.

మంగళగిరిలోని టీడీపీ కార్యాలయంలో చంద్రబాబు మాట్లాడారు. సాక్షి పత్రిక బాధ్యతారాహిత్యంగా వార్తలు రాస్తోంద‌ని విమ‌ర్శించారు. పెళ్లికి ఆహ్వానపత్రిక అందిస్తే సొంత చెల్లిపై అడ్డమైన రాతలు రాస్తారా..? అని ప్ర‌శ్నించారు. కుమార్తె పెళ్లికి షర్మిల త‌న‌ను ఆహ్వానిస్తే రోత రాతలెందుకు అని మండిప‌డ్డారు. రాజశేఖర్‌రెడ్డి తాను మంచి స్నేహితులుగా ఉన్నామ‌ని, రాజకీయ వైరుధ్యాలున్నా మా మధ్య మానవ సంబంధాలు దెబ్బతినలేదని గుర్తుచేశారు.

రాజకీయాలు, వ్యక్తిగత సంబంధాలు వేర్వేర‌నే కనీస జ్ఞానం కూడా లేదా..? అని చంద్ర‌బాబు ప్ర‌శ్నించారు. వైఎస్‌ సీఎంగా ఉన్నప్పుడు షర్మిలతోపాటు, జగన్‌ పెళ్లికి కూడా త‌న‌ను ఆహ్వానించారని, రెండు పెళ్లిళ్లకూ తాను వెళ్లానని చంద్రబాబు చెప్పారు. జ‌గ‌న్ మాత్రం పెళ్లికి ఆహ్వానించ‌డం పెద్ద త‌ప్పులా భావిస్తున్నాడ‌ని అన్నారు.

Comments (0)

User