Rishikanth | రామ్ చరణ్ ‘ఆర్​సీ17’ మూవీలో నేను లేను.. రూమర్స్‌కు చెక్ పెట్టిన తమిళ నటుడు!

మెగా పవర్ స్టార్ రామ్ చరణ్, టాలెంటెడ్ డైరెక్టర్ సుకుమార్ కాంబినేషన్‌లో వస్తున్న RC17 సినిమాపై సోషల్ మీడియాలో రకరకాల ఊహాగానాలు వస్తున్నాయి. ఈ చిత్రంలో తమిళ నటుడు రిషికాంత్ కీలక పాత్రలో లేదా విలన్‌గా నటిస్తున్నారంటూ పెద్ద ఎత్తున ప్రచారం జరిగింది. ఇటీవల జరిగిన ఈ సినిమా పూజా కార్యక్రమానికి ఆయన హాజరుకావడంతో ఈ వార్తలు మరింత వైరల్ అయ్యాయి.

ఈ నేపథ్యంలో తాజాగా స్పందించిన రిషికాంత్.. తాను ఆ చిత్రంలో నటించడం లేదని స్పష్టం చేశారు. ప్రముఖ నిర్మాణ సంస్థ మైత్రీ మూవీ మేకర్స్ బ్యానర్‌లో తాను హీరోగా ‘మొద రాత్రి’ (Modha Rathiri) అనే సినిమా చేశానని, ఆ సంస్థతో ఉన్న పరిచయం, చనువు కారణంగానే RC17 పూజా కార్యక్రమానికి తనను ఆహ్వానించారని ఆయన తెలిపారు. అయితే పూజా కార్యక్రమానికి తాను వెళ్లడంతో సోషల్ మీడియాలో రకరకాలుగా అనుకున్నారని, సినిమా విడుదలైన తర్వాత తాను అందులో లేనని తెలిసి ప్రేక్షకులు నిరాశ చెందడం కంటే ముందే ఈ విషయాన్ని తానే స్వయంగా స్పష్టం చేయాలనుకున్నట్లు రిషికాంత్ వెల్లడించారు.