JEE Main | రేప‌టితో ముగియ‌నున్న జేఈఈ మెయిన్ ద‌ర‌ఖాస్తుల గ‌డువు..!

21 November 2026 - 16:30
0 0
JEE Main | రేప‌టితో ముగియ‌నున్న జేఈఈ మెయిన్ ద‌ర‌ఖాస్తుల గ‌డువు..!
Jee Main

JEE Main : జేఈఈ మెయిన్ (JEE Main) ధ‌ర‌ఖాస్తుల గ‌డువు రేప‌టితో ముగియ‌నున్న‌ద‌ని నేష‌న‌ల్ టెస్టింగ్ ఏజెన్సీ (NTA) తెలిపింది. అభ్యర్థులు ఆఖరి నిమిషం వరకు వేచి చూడవ‌ద్దని సూచించింది. దేశవ్యాప్తంగా ఇప్పటివరకు 13.29 లక్షల మంది ద‌రఖాస్తు చేసుకున్నార‌ని, వారిలో 11.19 లక్షల మందికిపైగా అభ్యర్థులు ఫీజు కూడా చెల్లించి తమ దరఖాస్తులను విజయవంతంగా సమర్పించార‌ని వెల్ల‌డించింది. అభ్యర్థులు ఎవరూ తమ దరఖాస్తును అసంపూర్తిగా వదిలేయవ‌ద్ద‌ని, అప్లికేషన్ స‌మ‌ర్పించి, ఫీజు చెల్లించి, అదేరోజు కన్ఫర్మేషన్‌ పేజీని కూడా డౌన్‌లోడ్‌ చేసుకోవాలని సూచించింది.

కాగా జేఈఈ మెయిన్‌కు ఈ నెల 22న అర్ధరాత్రి వరకు దరఖాస్తుల స్వీకరణ కొనసాగనుంది. రూ.500 లేట్ ఫీజుతో నవంబర్ 26 వరకు అవకాశం ఉంది. తొలి విడత జేఈఈ పరీక్షలను జనవరి 20 నుంచి 24 వరకు, మళ్లీ 28న నిర్వహిస్తారు. ఈ ఆన్‌లైన్ ప‌రీక్ష‌లు ఉదయం, మధ్యాహ్నం సెషన్లలో జరగనున్నాయి. ఈ పరీక్షకు సంబంధించిన అప్‌డేట్స్‌ కోసం https://jeemain.nta.nic.in/ వెబ్‌సైట్‌ను చెక్‌ చేసుకోవాలని, ఏవైనా సందేహాలు ఉంటే హెల్ప్‌లైన్‌ 011-40759000 / 1800-180-4747, ఈ-మెయిల్ jeemain@nta.ac.in లో సంప్రదించాలని ఎన్‌టీఏ సూచన‌చేసింది.

Comments (0)

User