harish Rao | క‌నీసం సెక్ర‌ట‌రీనే లేడు.. నువ్వేం ఇండ‌స్ట్రీల‌ను ఆక‌ర్షిస్తావ్‌.. రేవంత్ రెడ్డిపై హ‌రీశ్ రావు ఫైర్

21 November 2026 - 16:30
0 0
harish Rao | క‌నీసం సెక్ర‌ట‌రీనే లేడు.. నువ్వేం ఇండ‌స్ట్రీల‌ను ఆక‌ర్షిస్తావ్‌.. రేవంత్ రెడ్డిపై హ‌రీశ్ రావు ఫైర్
Harish Rao

harish Rao | ఖైర‌తాబాద్‌లో మ‌న పార్టీ మీద గెలిచి పార్టీ మారిన దానం నాగేంద‌ర్‌పై హైకోర్టు అన‌ర్హ‌త వేసింది.. రేపో మాపో ఎన్నిక‌లు రాబోతున్నాయి.. ఈ స‌మ‌యంలో ఖైర‌తాబాద్‌లో కాంగ్రెస్ దుకాణం ఖాళీ అవుతుందని మాజీ మంత్రి, బీఆర్ఎస్ డిప్యూటీ ఫ్లోర్ లీడ‌ర్ హ‌రీశ్ రావు అన్నారు.. ఇది బీఆర్ఎస్ గెలుపున‌కు ఒక గొప్ప‌ సూచిక అని అన్నారు.

సోమాజిగూడ డివిజ‌న్ యువ నాయ‌కుడు మ‌హేశ్ యాద‌వ్ ఆధ్వ‌ర్యంలో త్రినాథ్‌తోపాటు ప‌లువురు కార్య‌క‌ర్త‌లు మాజీ మంత్రులు హ‌రీశ్ రావు, త‌ల‌సాని శ్రీనివాస్ యాద‌వ్ స‌మ‌క్షంలో బీఆర్ఎస్‌లో చేరారు. వారికి హ‌రీశ్ రావు గులాబీకండువా క‌ప్పి పార్టీలోకి ఆహ్వానించారు. ఈ సంద‌ర్భంగా హరీశ్ రావు మాట్లాడుతూ.. ఈ మ‌ధ్య రాష్ట్రంలో ఎవ‌రూ స‌ర్వే చేయించినా.. రేవంత్ రెడ్డి చేయించుకున్నా.. ఏజెన్సీలు చేసినా.. ఏ పార్టీ స‌ర్వే చేసినా అన్ని స‌ర్వేల్లో మ‌ళ్లీ వ‌చ్చేది బీఆర్ఎస్ ప్ర‌భుత్వ‌మేన‌ని వ‌స్తుంద‌న్నారు. కేసీఆర్ ముఖ్య‌మంత్రి కావాల‌ని రాష్ట్రంలోని అన్ని సర్వేలు చెబుతున్నాయన్నారు.

ఇండ‌స్ట్రీల‌ను ఆక‌ర్షిస్తా.. నేను భార‌త్ స‌మ్మిట్‌ను పెడ‌తా అంటుండు రేవంత్ రెడ్డి.. అస‌లు ఈ రాష్ట్రానికి రెండేళ్ల నుంచి ప‌రిశ్ర‌మ‌ల కార్య‌ద‌ర్శే లేడు. ఐటీ శాఖ‌కు సెక్ర‌ట‌రీనే లేడు.. నీ బొంద నువ్వేం ఇండ‌స్ట్రీల‌ను ఆక‌ర్షిస్తావ్‌.. ఇండ‌స్ట్రీ డిపార్ట్‌మెంట్‌కు ఒక ప్రిన్సిప‌ల్ సెక్ర‌ట‌రీ ఉండాలి.. ఐటీ డిపార్ట్‌మెంట్‌కు ఒక ప్రిన్సిప‌ల్ సెక్ర‌ట‌రీ ఉండాలి.. చీఫ్ సెక్ర‌ట‌రీని ఇన్‌చార్జ్‌గా పెట్టి న‌డిపిస్తున్న‌రు.. ఆ చీఫ్ సెక్ర‌ట‌రీకి స‌వాల‌క్ష ప‌నులుంటాయి.. ఆయ‌న ఏం టైం ఇవ్వ‌గ‌లుగుతడు.. ఆయ‌న ప‌రిశ్ర‌మ‌ల‌కు, పారిశ్రామిక వేత్త‌ల‌కు టైం ఇవ్వ‌గ‌లుగుత‌డా..? ఐటీ కంపెనీల‌కు టైం ఇవ్వ‌గ‌లుగుతడా..? మీ పాల‌న ఎట్లుందంటే ఇండ‌స్ట్రీకి, ఐటీకి క‌నీసం ఒక సెక్ర‌ట‌రీని కూడా అపాయింట్ చేయ‌ని ప‌రిపాల‌న.. మీ కాంగ్రెస్ పాల‌న. ఇక మీరు హైద‌రాబాద్ బ్రాండ్ ఇమేజ్ గురించి మాట్లాడుతుర‌న్నారు.

 

 

Read Also :

Health Tips | అబ్బే.. థూ.. అంటూ చీకొట్టకండి.. రోజూ పళ్లు తోమకముందే నీళ్లు తాగితే ఆరోగ్యానికి మేలు జరుగుతుందట..!

Padi Kaushik Reddy | ఒక్క కొత్త పెన్షన్ ఇచ్చిన‌ట్టు నిరూపిస్తే నేను రాజీనామా చేస్తా.. రేవంత్ రెడ్డికి ఎమ్మెల్యే పాడి కౌశిక్ రెడ్డి సవాల్

KTR | కేటీఆర్ చేతుల మీదుగా ‘ఏఐ కెన్ రైట్ ద కోడ్’ పుస్తకావిష్కరణ.. యువ ఇంజినీర్లకు నూతన దిశానిర్దేశం!

 

Comments (0)

User