బ్రహ్మగారిగుట్టపై వీరబ్రహ్మేంద్రస్వామికి విశేష పూజలు

రామగిరి, నవంబర్ 21 : కార్తీక మాస ద్వాదశిని, వీరబ్రహ్మేంద్రస్వామి 418 జయంతి మహోత్సవాలను పురస్కరించుకుని నల్లగొండలోని బ్రహ్మంగారి గుట్టపై ఉన్న బూరుగు వృక్షంలో కొలువుదీరిన జగద్గురు శ్రీ మద్విరాట్ పోతులూరి వీరబ్రహ్మేంద్రస్వామికి శనివారం విశ్వ బ్రాహ్మణ సేవా సంస్థ జిల్లా కమిటీ ఆధ్వర్యంలో భక్తి శ్రద్ధలతో విశేష పూజలు నిర్వహించారు. ఈ సందర్భంగా స్వామివారికి పంచామృత అభిషేకాలు నిర్వహించి, నూతన వస్త్రాలతో స్వామిని అలంకరించి దర్శనం కల్పించారు. అనంతరం తీర్థప్రసాదాలు అందజేశారు. ఈ సందర్భంగా నిర్వహకులు మాట్లాడుతూ వీరబ్రహ్మేంద్రస్వామి కాలజ్ఞానం అందరికి అనుసరనీయమని, ఆయన బోధనలు విశ్వవ్యాప్తం చేయాలన్నారు.
ఈ కార్యక్రమంలో విశ్వబ్రాహ్మణ సేవా సంస్థ జిల్లా అధ్యక్ష, కార్యదర్శులు దాసోజు యాదగిరిచారి, పెందోట సోము, సేవా సంస్థ గౌరవ అధ్యక్షుడు శ్రీపాద కృష్ణమాచారి, మహిళా ప్రతినిధులు పర్వతం శోభరాణి, తొవిటి ఇందిరాణి, పూజారి పోలోజు శ్రీనివాసచారి, న్యాయవాది పందిళ్లపల్లి బ్రహ్మచారి, విశ్వబ్రాహ్మణ సంఘాల నాయకులు కూరెళ్ల రమణాచారి, కొత్తకొటి రాములు, జిల్లెల గోవర్ధన్, కన్నెకంటి సత్యనారాయణ, కటకం వెంకటాచారి, కూరెళ్ల రఘవాచారి, టైరోజు ఆంజనేయులు, విశ్వనాథుల నర్సింహ్మచారి, పసునూన షణ్ముఖ పాల్గొన్నారు.
Comments (0)