Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!

Donald Trump : వైట్హౌస్ (White House) మాజీ ప్రెస్ సెక్రెటరీ (Press Secretary) కరోలిన్ లీవిట్ (Karoline Leavitt) పదవి నుంచి వైదొలిగినప్పటి నుంచి కొత్త సెక్రెటరీ ఎంపిక కోసం ట్రంప్ యంత్రాంగం వెతుకుతున్నది. ఇటీవల కేటీ జకారియా (Katie Zacharia) ను కొత్త ప్రెస్ సెక్రెటరీగా నియమించినా ఆమె పనితీరుపై విమర్శలు వచ్చాయి. ఆమె విద్యార్హతలపై కూడా ప్రశ్నలు తలెత్తాయి. దాంతో పదవి చేపట్టిన ఐదు రోజుల్లోనే తొలగించాల్సి వచ్చింది.
ఈ నేపథ్యంలో అమెరికా అధ్యక్షుడు ట్రంప్ కరోలిన్ లీవిట్ గురించి కీలక వ్యాఖ్యలు చేశారు. దేశాధ్యక్షుడినైన తనకంటే ఆమెకు బిడ్డపైనే ఎక్కువ ప్రేమ ఉందని అన్నారు. అందుకే ఆమె బిడ్డకు జన్మనిచ్చిన తర్వాత తిరిగి విధుల్లోకి రావడానికి ఒప్పుకోలేదని చెప్పారు. వైట్హౌస్ ప్రెస్ సెక్రెటరీగా ఆమె హుందాగా, అద్భుతంగా పనిచేశారని ప్రశంసించారు. ఇప్పుడు ఆమె స్థానంలో మరొకరిని నియమించడం కష్టంగా మారిందన్నారు.
నిజంగా ఇది చాలా పెద్ద సమస్యని, ఈ విషయాన్ని తాను ఆమెతో కూడా చెప్పానని ట్రంప్ తెలిపారు. ఆమె నాకంటే తన బిడ్డనే ఎక్కువగా ప్రేమిస్తోందని, ఇది చాలా గొప్ప విషయమని అన్నారు. ప్రస్తుతం కరోలిన్ ఓ మీడియా సంస్థలో పని చేస్తున్నదని, త్వరలోనే ఆమె ఒక పెద్ద స్టార్ అవుతుందని ట్రంప్ పేర్కొన్నారు.
Comments (0)