Allu Arjun | నా జీవితపు ఆనందానికి పుట్టినరోజు శుభాకాంక్షలు.. ముద్దుల కూతురు అర్హపై అల్లు అర్జున్ క్యూట్ పోస్ట్!

21 November 2026 - 16:30
0 0
Allu Arjun | నా జీవితపు ఆనందానికి పుట్టినరోజు శుభాకాంక్షలు.. ముద్దుల కూతురు అర్హపై అల్లు అర్జున్ క్యూట్ పోస్ట్!
Allu Arjun

Allu Arha | ఐకాన్ స్టార్ అల్లు అర్జున్ తన ముద్దుల కుమార్తె అల్లు అర్హ పుట్టినరోజు సందర్భంగా సోషల్ మీడియా వేదికగా ప్ర‌త్యేక‌ శుభాకాంక్షలు తెలిపారు. తన కుమార్తెతో కలిసి ఉన్న ఒక అందమైన ఫోటోను ‘ఎక్స్’ ఖాతాలో పంచుకున్న బన్నీ, నా జీవితంలోని ఆనందానికి పుట్టినరోజు శుభాకాంక్షలు అంటూ ఎమెష‌న‌ల్ క్యాప్షన్ జోడించారు. అర్హ బాలనటిగా తెరంగేట్రం చేసిన ‘శాకుంతలం’ చిత్ర నిర్మాణ సంస్థ గుణ హ్యాండ్‌మేడ్ ఫిల్మ్స్ కూడా ఆమెకు పుట్టినరోజు శుభాకాంక్షలు తెలియజేస్తూ, ఆమె జీవితం ఎల్లప్పుడూ చిరునవ్వులు, సంతోషం, మధుర క్షణాలతో నిండి ఉండాలని ఆకాంక్షించింది.

మరోవైపు అల్లు అర్జున్ ప్రస్తుతం పలు భారీ ప్రాజెక్టులతో బిజీగా ఉన్నారు. ప్రముఖ తమిళ దర్శకుడు అట్లీ దర్శకత్వంలో అల్లు అర్జున్ నటిస్తున్న ప్రతిష్టాత్మక చిత్రం ‘రాకా’ (Raaka) ఇటీవల ఒక అరుదైన ప్రపంచ రికార్డును సొంతం చేసుకున్న సంగతి తెలిసిందే. విడుదలకు ముందే ఒకేసారి 37 మంది కళాకారులను రియల్-టైమ్‌లో మోషన్-క్యాప్చర్ చేసి ‘మోస్ట్ పీపుల్ మోషన్-క్యాప్చర్డ్ ఇన్ రియల్-టైమ్’ విభాగంలో ఈ చిత్రం గిన్నిస్ వరల్డ్ రికార్డును నెలకొల్పింది. ఈ చారిత్రాత్మక ఘనతకు సంబంధించిన గిన్నిస్ ధ్రువపత్రాన్ని అల్లు అర్జున్, దర్శకుడు అట్లీ అందుకున్నట్లు నిర్మాణ సంస్థ సన్ పిక్చర్స్ గతంలో ప్రకటించింది.

Comments (0)

User