Padi Kaushik Reddy | ఒక్క కొత్త పెన్షన్ ఇచ్చిన‌ట్టు నిరూపిస్తే నేను రాజీనామా చేస్తా.. రేవంత్ రెడ్డికి ఎమ్మెల్యే పాడి కౌశిక్ రెడ్డి సవాల్

21 November 2026 - 16:30
0 0
Padi Kaushik Reddy | ఒక్క కొత్త పెన్షన్ ఇచ్చిన‌ట్టు నిరూపిస్తే నేను రాజీనామా చేస్తా.. రేవంత్ రెడ్డికి ఎమ్మెల్యే పాడి కౌశిక్ రెడ్డి సవాల్
Mla Padi Kaushik Reddy, Mla

Padi Kaushik Reddy | నా హుజూరాబాద్ నియోజకవర్గంలో ఒక్క కొత్త పెన్షన్ కూడా ఇవ్వ‌లేదు.. అంతేకాదు 1029 పెన్ష‌న్లు ఉల్టా తీసేశార‌ని హుజురాబాద్ ఎమ్మెల్యే పాడి కౌశిక్ రెడ్డి ఆరోపించారు. తెలంగాణ భ‌వ‌న్‌లో ఏర్పాటు చేసిన మీడియా స‌మావేశంలో ఆయ‌న మాట్లాడుతూ.. కొత్త పెన్ష‌న్లపై నేను ఉత్త గాలి ముచ్చ‌ట్టు మాట్లాడ‌త‌లేను.. లెక్క‌ల‌తో స‌హా చెప్తున్నా.. తెలంగాణ మొత్తం కొత్త పెన్ష‌న్లు ఇచ్చినం అని చెప్తున్న‌వ్‌. నేను చాలెంజ్ చేస్తున్న నా హుజూరాబాద్ నియోజకవర్గంలో మీరు ఒక్క కొత్త పెన్షన్ ఇచ్చిన‌ట్టు నిరూపిస్తే నా ఎమ్మెల్యే పదవికి రాజీనామా చేస్తా రేవంత్ రెడ్డి.. లేకుంటే నీ ముఖ్య‌మంత్రి ప‌ద‌వికి రాజీనామా చేస్త‌వా చెప్పు అన్నారు.

ఎందుకు అబ‌ద్దాలు చెప్తున్న‌వ్‌.. ? ఎందుకు మోసాలు చేస్తున్న‌వ్‌..? నీకు ఎట్లా మోసం చేయ‌బుద్ది అవుతుందని రేవంత్ పై ఫైర్ అయ్యారు. ఇంత‌మంచి తెలంగాణ‌ ప్ర‌జ‌ల‌ను ఎట్లా మోసం చేస్తున్న‌వ్ మీరు అని నేను అడుగుతున్నా.. ఎందుకు నియోజ‌క‌వ‌ర్గంలో అని ఎమ్మెల్యే పాడి కౌశిక్ రెడ్డి స‌వాల్ విసిరారు. నా హుజూరాబాద్ నియోజకవర్గంలో కాంగ్రెస్ పార్టీ అధికారంలోకి వ‌చ్చిన త‌ర్వాత ఈ మూడు సంవ‌త్స‌రాల్లో 5250 పెన్షన్లు డిలీట్ చేశారు.. వాళ్లు ఇచ్చిన పెన్షన్లు 4221.. అంటే వాళ్ళు 1029 పెన్ష‌న్లు మైన‌స్‌చేసిర్రు. అంటే కొత్తవి ఇవ్వకపోగా.. ఉల్టా 1029 పెన్షన్లు తీసేశారని ఫైర్ అయ్యారు.

 

Comments (0)

User