Haindava | బెల్లంకొండ ‘హైందవ’ విడుదలకు బ్రేక్.. త్వరలోనే కొత్త రిలీజ్ డేట్ ప్రకటిస్తామన్న మేకర్స్!

Haindava | బెల్లంకొండ సాయి శ్రీనివాస్, సంయుక్త జంటగా లుధీర్ బైరెడ్డి దర్శకత్వంలో తెరకెక్కుతున్న ప్రతిష్టాత్మక పాన్ ఇండియా చిత్రం ‘హైందవ’ విడుదల వాయిదా పడింది. ఈ విషయాన్ని చిత్ర నిర్మాణ సంస్థ మూన్షైన్ పిక్చర్స్ శుక్రవారం అధికారికంగా ప్రకటించింది. ముందుగా ప్రకటించిన షెడ్యూల్ ప్రకారం ఈ సినిమా ఈ ఏడాది నవంబర్ 27న థియేటర్లలో విడుదల కావాల్సి ఉంది. అయితే అత్యున్నత సాంకేతిక ప్రమాణాలతో ప్రేక్షకులకు ఒక మంచి సినిమాటిక్ అనుభూతిని అందించాలనే ఉద్దేశంతోనే విడుదల తేదీని వాయిదా వేస్తున్నట్లు నిర్మాతలు సోషల్ మీడియా వేదికగా వెల్లడించారు. త్వరలోనే కొత్త విడుదల తేదీని ప్రకటిస్తామని పేర్కొంటూ, ప్రేక్షకుల సహనానికి, నిరంతర మద్దతుకు కృతజ్ఞతలు తెలిపారు.
గత నెలలో విడుదలైన ఈ సినిమా టీజర్కు సినీ ప్రియుల నుంచి విశేష స్పందన లభించింది. రంగాపురం అనే గ్రామ నేపథ్యంలో సాగే ఈ మిస్టరీ థ్రిల్లర్ కథాంశం ఆసక్తిని రేకెత్తిస్తోంది. గ్రామంలోని ఒక పురాతన ఆలయంలోని విగ్రహాలన్నీ మాయమవడం, అదే సమయంలో ఒక గ్రామస్థుడు హత్యకు గురికావడంతో కథ మలుపు తిరుగుతుంది. అయితే నిర్ణీత గడువులోగా ఆ విగ్రహాలన్నీ తిరిగి వస్తాయని ఆలయ పూజారి విశ్వసిస్తుంటారు. ఈ వింత కేసును దర్యాప్తు చేసేందుకు దేవుడి కంటే మానవత్వాన్ని నమ్మే ఒక నాస్తికుడైన పోలీసు అధికారి రంగంలోకి దిగడంతో నమ్మకానికి, హేతువాదానికి మధ్య జరిగే ఆసక్తికరమైన సంఘర్షణతో ఈ చిత్రం సాగనుంది.
మహేష్ చందు నిర్మిస్తున్న ఈ చిత్రంలో బెల్లంకొండ సాయి శ్రీనివాస్ నాస్తిక పోలీసు అధికారిగా నటిస్తుండగా, సంయుక్త కథానాయికగా కనిపించనుంది. ఆలయ పూజారి పాత్రలో మహేష్ మంజ్రేకర్ కీలక పాత్ర పోషిస్తుండగా, సౌరభ్ సచ్దేవా, జేడీ చక్రవర్తి, శివాజీ రాజా, గెటప్ శ్రీను తదితరులు ఇతర ముఖ్య పాత్రల్లో నటిస్తున్నారు. ఈ ఆకల్ట్ థ్రిల్లర్కు సామ్ సీఎస్ సంగీతం అందిస్తుండగా, హరీష్ కన్నన్ సినిమాటోగ్రఫీ, కార్తీక శ్రీనివాస్ ఎడిటింగ్, శివ కామేష్ డి ప్రొడక్షన్ డిజైన్ బాధ్యతలు నిర్వర్తిస్తున్నారు.
Comments (0)